top
logo

ሕትመታት

ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ

በዓል መዚ ልምዓት እቶት ክልል ትግራይ ዘመናዊ ህንፀት ስርዓት መረዳእታ ንምጥንኻር ንክኢላታት ሙያዊ ዓቕሚ መዕበይ ስልጠና ሂቡ።

በዓል መዚ ልምዓት እቶት ክልል ትግራይ ንክኢላታት መሓውር ወረዳታትን ከተማታትን ኬዝቲም ማዕኸን መረዳእታን ኩለመዳያዊ ኣጠቃቕማ ዘመናዊ ህንፀት ስርዓት መረዳእታ፣ ኣብ ሓደሽቲ ኣዋጃት ኣታዊ ምምሕዳር ግብርን መሰረት ዝገበረ ስልጠና ተዋሂቡ።

 

ንሰልጠንቲ ኣብ ኣወሃህባ ግልጋሎት ዓማዊል፣ ኣተኣኻክባ፣ ኣወዳድባን ኣጠቓቕማን ስርዓት መረዳእታ ብኣሰር ኣፃብዕቲ ዝተደገፈ መለለይ ቑፅሪ ከፈልቲ ግብሪ ብኸመይ ከም ዝወሃብን ኣብ መዓልታዊ መፅናዕቲ ነጋዶን ገዛ መካረይትን መረዳእታ ኣብ ምእካብን ከም ቀንዲ ፀገማትን መፍትሒኦምን መሰረት ዝገበረ ብማንዋል ዝተደገፈን ኣብቲ ሰልጠና ክቐርብ ከምዘተገበረ መተሓባበሪት ኬዝቲም ማዕኸን መረዳእታ በዓል መዚ ልምዓት እቶት ክልል ትግራይ ወ/ሮ ኣልጋይነሽ ኣሰፋ ገሊፀን።

 

ምስ እዚ ተተሓሒዙ ልዕልነት ሕጊ ንምርግጋፅ ሕጋውነት ብምስፋን ኣካብነት ክራይ ዘዳኽም ኣሰራርሓ ዘመናዊ ሓዱሽ ቴክኖሎጅ ዝተኣታተወ ስርዓት መረዳእታ ምውሳንን ምእካብን ግብሪ (TITCOS) ብምትእትታው ንተገልጋልቲ ቁልጡፍን ግዜ ቆጣብን ኣብ ሙሉእ ትግራይ ሓደ ዓይነት ውሳነ መጠን ግብሪ ብምትእትታው ዘስርሕ ዓቕሚ ከምዝፈጠረሎም ተሳተፍቲ ሰልጠንቲ ኣይተሃይላይ ሃይሉ ፣ወ/ሮ ሂወት ታደለ   ፣ ኣይተሽሻይ ተኪኤተዛሪቦም።

 

ኣብ መወዳእታ ገምጋም ኣፈፃፅማ 2009 በጀት ዓመት ብምርኣይ ትልሚ 2010 በጀት ዓመት ተመያይጦም ከፅድቁ ተገይሩ።

 

                                                                                                 ደጋፊ ከይዲ ስራሕ ርክብ ህዝቢ

 

                                                                                     በዓል መዚ ልምዓት እቶት ክልል ትግራይ

 

 

ቤት ፅሕፈት ልምዓት እቶት ዞባ መቐለ ኣብ ጉዳይ ቅብሊት ኣመልኪቱ መድረኽ ዘተ ነጋዶ ኣካይዱ።

 

ቤት ፅሕፈት ልምዓት እቶት ዞባ መቐለ ኣብ ቀዳማይ ርብዒ ዓመት 2010 በጀት ዓመት ኣብ ዙሪያ ቅብሊት ምቑራፅ ኣመልኪቱ ቅብሊት ኣብ ምቑራፅ ፀገም ኣለዎም ምስ ዝተብሃሉ ነጋዶ ከተማ መቐለ መድረኽ ዘተ ኣካይዱ።

ስርዓት ግብርን ንግድን ንምርግጋፅ መንግስትን ውድብን ዘካይድዎ ተሃድሶታት ህዝቢ ሓሳቡ ንኽገልፅ ከምዚኦም ዓይነት መድረኻት ኣገዳስቲ እዮም። ቅብሊት ዘይቆርፁ ነጋዶ ስርዓት ግብሪ ብምፍራስ ፀረ ልምዓትን ሰላምን እዮም ዝኾኑ ዘለው። ብምዃኑ ድማ ኣብዚ ዘይሕጋዊ ተግባራት ዝተዋፈርና ኣካላት ስርዓት ክንሕዝ ይግባእ። ስርዓት ምሕደራ ግብሪ ብምትግባር ዘላቒ ሰላምን ልምዓትን ክነረጋግፅ ኣለና። ኩሉ ነጋዳይ ግብሪ ብምኽፋል ኣብ ልምዓት እጃሙ ንክዋፃእ መንግስቲ እውን የተባብዕን ይድግፍን ከም ዘሎ ምኽትል ሓላፊ ቢሮ ልምዓት ከተማ፣ ንግድን ኢንዱስትርን ክልል ትግራይ ኣይተ ዳኒኤል መኮነን ገሊፆም።

 

ምስዚ ብተዛማዲ ግብሪ ናይ ሓንቲ ሃገር ናይ ህልውና መሰረት ስለዝኾነት ቅብሊት ብምቑራፅ ስርዓት ግብሪ ክነረጋግፅ ኣለና። ምኽፋል ግብሪ ኣብዚ ሕዚ እዋን ናይ ሞትን ሕየትን ገይርካ ብምውሳድ ተግባራዊ ክግበር ከ ዘለዎ ሓላፊ ቤት ፅሕፈት ልምዓት እቶት ዞባ መቐለ ወ/ሮ ብርኽቲ ዘሪሁን ሓቢረን።

ኣብ ቅብሊት ምቁራፅ ናይ ኩላትና ሓላፍነት እዩ። ካብዚ መድረኽ ድማ እኹል ዝኾነ ግንዛበ ወሲድና ኣለና። ኣብ ስራሕና እንፍፅሞም ጌጋታት ብሰራሕተኛታት እውን ይፍፀሙ ስለዘለው ንሰራሕተኛታት እውን ናይ ግንዛበ ኣስትምህሮ ብመንግስቲ ክወሃቦም ከም ዝግባእ ኣይተ ሓዱሽ ተኹሉ ገሊፆም።

ብተወሳኺ ድማ ኣብ መድረኽ ካብ ተሳተፍቲ ካብ ዝተልዓሉ ሓሳባት ኣብ መንጎ ነጋዶ ፍትሓዊ ውድድር ንክህሉ ቫት ዘይሓዙ ነጋዶ መንግስቲ ንክሕዙ ክገብር ኣለዎ፣ ኩሉ ሕብረተ-ሰብ ቅብሊት ሓታቲ ንክኸውን ግንዛበ ንክፍጠረሉን ናይ ንግዲ ሰራሕተኛታት ግንዛበ መዕበይ ኣስተምህሮ ክወሃቦም ክም ዝግባእን ዝብሉ ርኢቶታትን ሕቶታትን ምስ ተለዓሉ ካብ መድረኽ ብዝምልከቶም ኣካላት እቲ ኣብ 2004 ዓ/ም ዝተጀመረ ስርዓት ቅብሊት ምቑራፅ ብዝግባእ ተግባራዊ ክግበር ኣለዎ፣ ምክንያቱ ስርዓት ቫት ናይ ባዕሉ መሰረታዊ ረብሓታት ስለ ዘለዎ እዩ።

ካበዚኦም ድማ ሚዛን ዕዳጋ ንምሕላው፣ ፍትሓዊ ሃፍቲ ክፍፍል ዜጋታት ንምርግጋፅ፣ ፍትሓዊ ስርዓት ንግዲ ንክህሉን ፍርያት ውሽጢ ዓዲ ንምትብባዕን ስለዝጠቅም ተግባራዊ ክንገብሮ ይግባእ ዝብሉን ካልኦትን ሃነፅቲ ርኢቶታት ምስ ተወሃበ እቲ መድረኽ ዘተ ስርዓት ቅብሊት ተግባራዊ ንምግባር ቃል ብምእታው ተዛዚሙ።

                                                            ብሃይላይ ገ/ገርግስ

                                                             ክኢላ ጉዳያት ኮሙኒኬሽን

                                                   በዓል መዚ ልምዓት እቶት ክልል ትግራይ

 

 

 

ሰራሕተኛታት ክልል ስታፍ ሊግ መናእሰይ ህወሓት ኣብ ዓብይ ግድብህዳሰ ኢ/ያ ዑደት ኣካይዶም

  • -      መጋቢት 24/2003 ዓ/ም እምነ ኩርናዕ ብክቡር ቀዳማይ ሚንስተር ሃገርና መለስ ዜናዊ ድሕሪ ምንባሮም ህንፀቱ ብዕሊ ናብ ስራሕ ተኣቱ እዩ
  • -      ናይቲ ግድብ ህንፃ ቁመት ንላዕሊ 145 ሜትሮ
  • -      ናይቲ ግድብ ንውሓት ንጎኒ 1.8 ኪሎ ሜትሮ
  • -      ቁመት ናይቲ ባሕሪ 245 ኪሎ ሜትሮ
  • -      እቲግድብ 74 ቢሊዮን ኩዩቢክሜትርማይናይምሓዝዓቕሚኣለዎ
  • -      ስራሕተኛታት ኢቶያውያን 10.672 ሰባት
  • -      ወፃኢ ዜጋ ስራሕተኛታት 317 ሰባት
  • -      ልዕሊ 6 ሽሕ ሜጋ ዋት ሓይሊ ኤሌትርክ ከፍልፍል እዩ
  • -      ኣቲ ግድብ ምስ ተዛዘመ ኣብ ዓመት 2 ቢሊዮን ዶላር ኣታዊ የርክብ
  • -      ኤሌክትሮመካኒካዊስራሕቱ ብኢፈድሪ ብ/ኢ/ኮርፕሬሽን ይሳለጥ ኣሎ
  • -      ጠቅላላ ስራሕቲ ዓብይ ግድብህዳሰ ኢ/ያ ክሳብ 23 /2009ዓ/ም 58% በፂሑ
  • ህንፆቱ ብውዕይ መንፈስ ኣብ ምቅፃል ይርከብ ኣሎ


ምኽፋል ግብሪ ብርኪ ሐ ነጋዶን ክራይ ኣካራይን ክፍለ ከተማታት መቐለ ብድምቀት ተጀሚሩ

ምኽፋል ግብሪ ብርኪ ሐ ነጋዶን ክራይ ኣካራይን በጀት ዓመት 2009 ኣብ ኩለን ክፍለ ከተማታት መቐለ በቲ ዝተተለመሉ ዕለት ሓምለ ሓደ ብድምቀት ተጀሚሩ፡፡

     ኣብ መኽፈቲ መድረኽ ምጅማር ምኽፋል ግብሪ ክፍለ ከተማ ሓድነት ዝተረኸባ ዋና ዳይሬክተር በዓል መዚ ልምዓት እቶት ክልል ትግራይ ወ/ሮ ምሕረት በየነ እቲ ተረኺቡ ዘሎ ማሕበራውን ኢኮኖሚያውን ልምዓት ከቢድ ቃልስን መስዋእትን ዝተኸፈሎ ምኻኑ እናዘከርና 50 ምኢታዊ በጀት ክልልና ንምሽፋንን ልዕልነት ሕጊ ንምርግጋፅን ኣብቶም ተኣታትዮም ዘለው ሪፎርምታት ግብሪ ሕዚ እውን ብሓላፍነት ተሓተቲ ኮይንና በርቲዕና ክንሰርሕ ይግባእ ብምባል ምኽፋል ግብሪ ሓምለ ሓደ 2009 በጀት ዓመት ብዕሊ ከም ዝተጀመረ ኣበሲረን፡፡


ብተዛማዲ ኣብ ክፍለ ከተማ ዓዲ ሓቂ ዝተረኸቡ ሓላፊ ቴክኒክን ሞያን ትምህርትን ስልጠናን ክልል ትግራይ ደክተር ሙሉጌታ ሓዱሽ ኣብ ተሳትፎ ህዝቢ ዝተመስረተን ኣብ ምስፍሕፋሕ ልምዓት ፣ምርግጋፅ ሰላምን ዲሞክራስን ዝውዕል ፍትሓውን ተመጣጣንን ግብሪ ኩሉ ከፋሊ ግብሪ ክኸፍልን ዜግነታዊ ግቡኡ ክዋፃእን ኣለዎ፡፡ ምኽንያቱ ዋኒን ግብሪ ዋኒን ኩሉ ዜጋ ስለ ዝኾነ ምስ በሉ ምኽፋል ግብሪ ከም ዝተጀመረ ሪቫን ብምቑራፅ ኣበሲሮም።

 

ብተወሳኺ ካብ ከፋልቲ ግብሪ ቤት ፅሕፈት ልምዓት እቶት ክፍለ ከተማ ዓይደር ሓንቲ ዝኾና ወ/ሮ ኣዝመራ ገለታ ነቲ ኣብዚ በጀት ዓመት ዝተወሰነሎም ፍትሓውን ተመጣጣንን ውሳነ ግብሪ ኩሉ ከፋሊ ግብሪ ኣሚንሉ ብጓይላን ስዕሲዒትን ክኸፍል ከም ዝመፀን እቲ ምጅማር ምኽፋል ግብሪ ብድምቀት ከም ዝተኸበረን ሓቢረን፡፡

 

 

በዓል መዚ ልምዓት እቶት ክልል ትግራይ ንኣመራርሓን ኣባላትን ቀዋሚ ኮሚቴ በጀትን ኦዲትን ቤት ምኽሪ ወረዳታትን ከተማታትን ዓቕሚ መዕበዪ ስልጠና ከም ዝሃበ ኣፍሊጡ።

ሓደሽቲ ኣዋጃት ኣታዊ ግብርን ምምሕዳርን ግብርን፣ ኣዋጅ ኤክሳይዝን ቴምብር ቀረፅን፣ ስርዓት ኣወሳስና ግብርን ኣተኣላልያ ቅሬታን ይግበአንን፣ ሪፎርምታት ግብሪ መሰረት ብምግባር ንኣመራርሓን ንኣባላት ቀዋሚ ኮሚቴ በጀትን ኦዲትን ቤት ምኽሪ ወረዳታትን ከተማታትን ዓቕሚ መዕበዪ ስልጠና ከም ዝተውሃበ ኣብ በዓል መዚ ልምዓት እቶት ክልል ትግራይ ወናኒ ከይዲ ስራሕ ትምህርትን ስልጠናን ግልጋሎት ዓማዊልን ኣይተ በላይ ገብረወልድ ኣገንዚቦም።


 

ቑጠባዊ ዓቕሚ ኣታዊና ንምዕባይ ነዚ ዝምጥንን ዝድግፍን ስርዓት ምምሕዳር ግብርን ምጥንኻርን ምምሕያሽን ወሳኒ ብምዃኑ ብብርኪ ሃገር ዝተመሓየሹ ኣዋጅ ኣታዊ ግብርን ምምሕዳር ግብርን ኣብ ወርሒ ሓምለ 2008 በጀት ዓመት ፀዲቑ ናብ ተግባር ተኣትዩ እዩ። እዞም ሓደሽቲ ኣዋጃት ንንውሕ ዝበሉ ዓመታት ተበታቲኖም ዝፀንሑ ኣዋጃትን ደንብታትን ናብ ሓደ ብምውዳብ ግልፅነትን ተሓታትነትን ብምስፋን ምስ ዝበፃሕናዮ ቁጠባዊ ዕብየት ብምጥዕዓም ግብሪ ዘይኽፈሎም ዝነበሩ ኣታዊታት ኣብ ግብሪ ስርዓት ንኽኣትዉ እዚ ስልጠና ክፍተታትና እንምልአሉን ዓቕምና እነጎልብተሉ ስሉጥን ቐፃልነት ዘለዎን ግልጋሎት ንምሃብ ዝሕግዝን ከፈልቲ ግብሪ ከከም ኣታዊኦም ክኸፍሉ ዝገብር ምዃኑ ኣይተ በላይ ገሊፆም።

 

ቐንዲ መበገሲ ዕላማታት ምምሕያሽ ኣታዊ ግብርን ምምሕዳር ግብርን ብተግባር ሪፎርምታት ግብሪ ኣብ ምፍፃም ዘፀግሙ ዝነበሩ ጥንካረታትን ሕፅረታትን ዝቐረቡ ኮይኖም ብዝተበታተነ መንገዲ ኣብ ስራሕ ዝፀንሑ ኣዋጃት ብምውህሃድ ብምምሕዳር ግብሪ ዝምርሑ ድንጋገታት ዓርሶም ክኢሎም ኣብ ጥቕሚ ክውዕሉ ብምግባር ኣብ ከፈልቲ ግብሪ ዝበፅሕ ዝነበረ ምንግልታዕ ብምውጋድ ፍትሓዊ ስርዓት ኣከፋፍላ ግብሪ ንምዝርጋሕ ዝዓለመ ስልጠና ከም ዝኾነ ኣይተ በላይ ገ/ወልድ ብተወሳኺ ግልፂ ገይሮም።

 

ተሳተፍቲ እቲ ስልጠና ኣይተ ኣስረስ ኣረሩን ወ/ሮ ሙሉ ገ/መድህንን ብወገኖም ነባራትን ሓደሽትን ኣዋጃት ዘመሳስልዎምን ኣፈላላዮምን መሰረት ብምግባር ዝተውሃበ ስልጠና ዓቕምን ክእለትን ካብ ምዕባይ ብተወሳኺ ወረዳታትን ከተማታትን ተሞክሮታት ዝተለዋወጥናሉን ተሞክሮ ዝቐሰምናሉን ኣባላት ቀወምቲ ኮሚቴ በጀትን ኦዲትን ቤት ምኽሪ ግቡእና ክንዋፃእ ዝሕግዝ እዩ ክብሉ ገሊፆም።

 

 

                                                           በዓል መዚ ልምዓት እቶት ክልል ትግራይ

 

Subcategories

 

  • ንደረጃ ‘ለ’ ኸፈልቲ ግብሪ ናይ ግብሪ መኽፈሊ እዋን ካብ ሓምለ 01/2008 ክሳብ ጳጉሜን 05/2008 ምዃኑ፣
  • ንደረጃ ‘ሀ’ ኸፈልቲ ግብሪ ናይ መኽፈሊ እዋን ድማ ካብ ሓምለ 01/2008 ክሳብ ጥቅምቲ 30/2009 ምዃኑ እንዳዘኻኸርና ግብሪ ብእዋኑ ብምኽፋል ሃገራዊ ግቡእና ንዋፃእ፡፡

May 2018
12345
6789101112
13141516171819
20212223242526
2728293031

በዝሒ ጎብነይቲ

053456
ሎምዓንቲሎምዓንቲ12
ትማሊትማሊ65
ኣብዚ  ሰሙንኣብዚ ሰሙን295
ኣብዚ ወርሒኣብዚ ወርሒ1049
ጠቕላላ ክሳብ ሐዚጠቕላላ ክሳብ ሐዚ53456

We have 61 guests and no members online


bottom
top

bottom

© 2014 Tigray Revenue Development Authority .All Rights Reserved