top
logo

ሕትመታት

ዜና ፎቶ
ኣብ ኣፈፃፅማ መደባት 2008 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2008 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ኣብ ኣፈፃፅማ መደባት 2008 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
በዓል መዚ ልምዓት እቶት ክልል ትግራይ ሪፎርምታት ግብርን ታክስን ንምትግባርን ንምዕዋትን ምስ ሓገዝትን መዳርግቲ ኣካላትን ኣብ ዘሳልጥዎ ቅንያት ግብሪ ሓበራዊ መድረኽ ምኽክር ዘተ
ክረምታዊ መደባት
ቅድመ ምድላው ክረምታዊ መደባት እቶትን ንግድን 2008/9 በጀት ዓመት ምኽንያት ብምግባር ምስ ሓገዝትን መዳርግቲ ኣካላትን መድረክ እተሳልጥ!

ስርዓት ምሕደራ ግብሪ ንምጥንኻር ሙያዊ ዓቕሚ ክኢላታት ምዕባይ ወሳኒ ምዃኑ በዓል መዚ ልምዓት እቶት ክልል ትግራይ ኣፍሊጡ 

መደባትና ብብቕዓት እናፈፀምና ብህንፀት ልምዓታዊ ሰራዊት ልእኽቶ በዓል መዚ ልምዓት እቶት ንምዕዋት ንጀመርቲ ክኢላታትን ሓለፍቲ ቤት ፅሕፈትን  ኣብ ዙርያ ሪፎርምታት ግብሪ መሰረት ብምግባር ሙያዊ ዓቕምን ክእለትን መዕበዪ መባእታዊ ትምህርትን ስልጠናን  ከም ዝተውሃበ ዋና ዳይሬክተር  በዓል መዚ ልምዓት እቶት ክልል ትግራይ ወ/ሮ ምሕረት በየነ ኣገንዚበን።

  እቲ ዝተውሃበ መባእታዊ ስልጠና ኣዋጃት፣ ደንብታትን መምርሕታትን ግብሪ ማእኸል ዝገበረ ኮይኑ ብዋናነት ድማ ደንብን መትከላትን ሰራሕተኛታት በዓል መዚ ልምዓት እቶት፣ ኣደላልዋ ትልሚ እቶት፣ ኣድላይነትን መትከላት ኣወሳስና ግብሪ፣ ስርዓት ኣፈፃፅማ ቫት ኦዲት ስትራተጂ፣ መምርሒ ኣፈፃፅማ መዓልታዊ ኣታዊ ከፈልቲ ግብርን ህንፀት ልምዓታዊ ሰራዊትን ማእኸል ብምግባር ካብ 52 ወረዳታትን ከተማታትን ኣብያተ ፅሕፈት ልምዓት እቶት ንዝተውፃእፅኡ ልዕሊ 200 ጀመርቲ ክኢላታትን ሓለፍቲ ቤት ፅሕፈትን ኣብ ከተማ ማይጨው ንተኸታታሊ ሸውዓተ መዓልቲ ስልጠና ዝተውሃበ ኮይኑ እዚ ዓቕምን ክእለትን መመሓየሺ ስልጠና ዋና ዕላምኡ ስርዓት ግብሪ ጠንቂ ሰናይ ምምሕዳር ካብ ምዃን ድሒኑ ስሉጥን ፅፉፍን ግልጋሎት ብምሃብ ምሕደራ ግብሪ ፍልፍል ልምዓትን ሰናይ ምምሕዳርን ንኽኸውን ዝሕግዝ ስልጠና ከም ዝኾነ ወ/ሮ ምሕረት በየነ ብተወሳኺ ገሊፀን።

  ብዝተዋደደን ዝተኣሳሰረን ልምዓታዊ ሰራዊት ግብሪ ብምህናፅ ኣተሓሳስባን ተግባራትን ኣካብነት  ክራይ ብልዕልነት ልምዓታዊ ፖለቲካል ኢኮኖሚ ብምቕያር ዝጠንከረ ልምዓታዊ ሰራዊት እቶት ምፍጣር መማረፂ ዘይብሉ ጉዳይ ብምዃኑ እዚ ተዋሂቡ ዘሎ ሞያዊ ስልጠና ኣብ ኣተሃናንፃ ልምዓት ሓይሊ ሰብ ዝበለፀ ለውጥን ምዕባለን ንምምፃእ ሪፎርምታት ምሕደራ ግብሪ ብዝበለፀ ንምጥንኻር ኣዋጃት፣ ደንብታት መምርሕታት ግብሪ ንምትግባር ብቐፃልነት ብመደጋገፊ ኔትዎርክ፣ ብዓርሰ ምምህሃርን ኣቢሎም ዝያዳ ከጎልቡትዎ  ከም ዝግባእ ዋና ዳይሬክተር  በዓል መዚ ልምዓት እቶት ክልል ትግራይ ወ/ሮ ምሕረት በየነ መልእኽተን ኣመሓላሊፈን።

 እዚ ልምዓታዊ ሰራዊት ግብርን ታክስን ንምፍጣር ተጀሚሩ ዘሎ ውሁድ ኣሰራርሓ ተጠናኺሩ ንኽቕፅልን ኣብ ኣወሃህባ ግልጋሎት ሓለሓሊፉ ዝርኣዩ ክፍተታት ንምውጋድን ምስ ሓገዝትን መዳርግቲ ኣካላትን፣ ተዋዲድካ  ምሰራሕ ከም ዘድሊ ዝተሓበረ እንትኸውን ኣብቲ መድረኽ ካብ ሰልጠንቲ ዝተፈላለዩ  ሕቶታትን ርኢቶታትን ተላዒሎም ብዝምልከቶም ኣካላት እኹል መብርሂ ተዋሂብዎም ኣብ ሓበራዊ ምርድዳእ ተበፂሑ እዩ።

 ተሳተፍቲ እቲ ሞያዊ ስልጠና ወ/ሮ ብርኽቲ ዘሪሁንን ኣይተ ጎሹ ንጉሰን ብወገኖም ነቲ ቅድሚ ሐዚ ኣብ ምትግባር ሪፎርምታት ግብሪ ዝርኣዩ ዝነበሩ ጉድለታት መሊእና ብዝተማልአ ዓቕምን ክእለትን ዘመናዊ ስርዓት ግብርን ታክስን ብምህናፅ ግብሪ ፍልፍል ልምዓትን ሰናይ ምምሕዳርን ንኽኸውን ኣበርቲዖም ከም ዝሰርሑ ገሊፆም።

                                                                                         ሃይላይ ኪሮስ

                                                                         ላዕለዋይ ክኢላ ርክብ ህዝቢ

                                                                 በዓል መዚ ልምዓት እቶት ክልል ትግራይ

 

 

 

 

በዓል መዚ ልምዓት እቶት ክልል ትግራይ ኣብ ኣፈፃፅማ መደባት ቀዳማይ መንፈቕ  ዓመት  ገምጋማዊ ስልጠና ኣካይዱ።

በዓል መዚ ልምዓት እቶት ክልል ትግራይ ሓለፍትን መተሓባበርትን ኣብያተ ፅሕፈት ልምዓት እቶት ወረዳታትን ከተማታትን ተወከልቲ ከተማታት ዞባን ኣብ ዝተረኸብሉ መድረኽ ኣብ ከተማ ማይጨው ገምጋማዊ ስልጠና ቀዳማይ መንፈቕ ዓመት 2009 ዘካየደ እንትኸውን ኣብ ኣፈፃፅማ መደባት እዚ ፍርቂ ዓመት ከም ትካል ኣብ ጎደና ለውጢ ዝርከብ ኮይኑ ኣብ ህንፀት ልምዓት ሓይሊ ሰብን ህዝባዊ ምንቕናቕን ዘሎ ምንቅስቓስ ፣ኣብ ሒሳብ መዛግብቲ ዝትግበር ዘሎ ኣፈፃፅማ ኦዲት ስትራተጂ፣ ኣብ ኣከብትን ከፈልትን ግብሪ ምስ ሪፎርምታት ግብርን ታክስን ዝተተሓሓዘ ኣብ ኣዋጃት፣ ደምብታትን ምምርሕታትን ግንዛበ ኣብ ምዕባይ ዘሎ ምንቅስቓስን ኣብ ኣተሓሕዛ ዘመናዊ ስርዓት መረዳእታን ዘሎ ጠንካራ ምንቅስቓስ መሪሕነት ልምዓታዊ ሰራዊት እቶትን ኣመራርሓ ውድብን መንግስትን ዓሪፍዎ ክሰፋሕ ዝግበኦ ተሞክሮን ውፅኢታዊ ኣፋፃፅማ መዳባትን  ተመዝጊቡ እዩ። ከምኡ እውን  ኣብ  ምስዋር ግብሪ ንዝተዋፈሩ ኣካላት ዝውሰዱ ሕጋዊ መምሃሪ ስጉምትታትን ምስ ምቑራፅ ቅብሊት ዝተተሓሓዘ ኣብ ተወሳኺ እሴት ታክስን ተርን ኦቨር ታክስን ዘሎ ምንቅስቓስን ተወሳኺ ፃዕሪ ከም ዘድሊ ዋና ዳይሬክተር በዓል መዚ ልምዓት እቶት ክልል ትግራይ ወ/ሮ ምሕረት በየነ  ኣገንዚበን።

 

 

ምስዚ ብተዛማዲ ኣብዚ በጀት ዓመት ከም ብዓል መዚ ኣብ ምጥንኻር ልምዓታዊ ሰራዊት እቶት ኣብ ቁልፊ መደብ ምስ ምድላው ብቑዕ ቁመና ዘለዎም ብስርዓት ውፅኢት ተኮር ዝተቓዩ ትልምታት፣ ምድላው ፈፀምቲ ዓቕምታትን ተግባር መሰረት ዝገበሩ ህንፀታትን ብምልክዕ ኔትወርክታት፣ መዓልታዊ ህንፀትን ዓርሰ ምምህሃርን ብኣግባቡ ብምክያድ ዝተማልአ መስርሕ ደገፍን ክትትልን ተግባራዊ ብምኻኑ ጠንካራ ሰረዊት እቶት ብምውናን  ኣብ ቁልፊ መደባት ብሉፅ ኣፈፃፅማ ብምስርሑ ኣብ ዓበይቲ መደባት ዘዕግብ ውፅኢት ምምዝጋብ ተኻኢሉ። በዚ መሰረት ኣብዚ በጀት ዓመት ብበዓል መዚ ክእከብ ዝተተሓዘ እቶት 3.65 ቢሊዮን ኮይኑ ኣብዚ ፍርቂ ዓመት ክሳብ  ጥሪ መወዳእታ 63.3 ሚእታዊ ከም ዝተኣከበ መተሓባበሪ ከይዲ ስራሕ ልምዓታዊ ትልሚ በዓል መዚ ልምዓት እቶት ክልል ትግራይ ኣይተ በሪሁ ወ/ሚካኤል ሓቢሮም።

  ኣብቲ ገምጋማዊ ስልጠና ብተሳተፍቲ ምስ ምቑራፅ ደረሰይ ዝተተሓሓዘ ኣብ ነጋዶን ተጠቃሚ ህዝብን ዘሎ ግንዛበ፣ ከምኡ እውን ደረሰይ ኣብ ዘይቖርፁ ኣካላት ዝውሰዱ ሕጋዊ ስጉምትታትን ቅፅዓትን፣ ኣብ ሒሳብ መዛግብቲ ዘሎ እዋናዊ ኣፈፃፅማ ኦዲት ስትራተጂ፣ ምስ ውሳነ ፍትሓውን ተመጣጣንን ግብርን ምርግጋፅ ፍትሓዊ ስርዓት ምሕደራ ግብርን ከምኡ’ውን ኣብ ዕግበት ተገልገልትን ቅሬታን ዘሎ ኩነታት ዝብሉ ዛዕባታት መሰረት ዝገበሩ ሕቶታትን ርአቶታትን ዝተልዓሉ ኮይኖም ነዞም ዝተልዓሉ ሕቶታትን ርኢቶታትን ድማ ብመተሓባበርትን ክኢላታትን ከይዲ ስራሕቲ በዓል መዚ ልምዓት እቶት ክልል ትግራይ ኣብቶም ዝተልዓሉ ዛዕባታት ኣብ ምቑራፅ ደረሰይ፣ ከይዲ ኦዲት ስትራተጂ ሒሳብ መዛግበቲ፣ ኣብ ግብሪ መጭበርበርቲ ዝትግበሩ ደገፍን ክትትልን  ዝወስዱ ቅፅዓታትን ዝተተሓሓዘ ግብረ መልስን ርኢቶታትን  ተዋሂብዎም።

ኣብቲ ገምጋማዊ ስልጠና ካብ ዝተሳተፉ ኣካላት ሓለፊት ቤት ፅሕፈት ልምዓት እቶት ከተማ ዓድዋ ወ/ሮ መብራት ይፍጠርን ሓላፊ ቤት ፅሕፈት ልምዓት እቶት ከተማ ዓዲ ግራት ኣይተ ገ/ስላሴ ገ/ብሄርን ካብቲ መድረኽ ጥንካረታትን ድኽመታትን እናፈተሸ መፍትሒ ዘቕምጥ ድልዱል ሰራዊት ሲቪል ሰርቫንት እቶት ከም ዝተረጋገፀ ፣ዕግበት ተገልገልቲ ንምርግጋፅ ሪፎርምታት ግብርን ታክስን ብምጥንኻር ኣብ ዝቕፅል ካልኣይ ፍርቂ ዓመት ኣፈፃፅማ እቲ ትካል ናብ ዝለዓለ ብርኪ ንምዕባይን ካብቶም ዝቐረቡ ብሉፃት ተሞክሮታት ቀሚርካ ንምስፋሕን ተግባራዊ ንምትግባርን ዝሕግዙ ፍረ ሓሳባት ጨቢጦም በዓል መዚ ልምዓት እቶት መርአያነቱ ሓሊው ንክቕፅል ከም ዝሰርሑ ቃል ኣትዮም።                                                                                                 

                                                                 ሃይላይ  ገ/ገርግስ

                                                                                        ክኢላ ርክብ ህዝቢ በዓል መዚ ልምዓት እቶት

 

 

በዓል መዚ ልምዓት እቶት ክልል ትግራይ ንመሓውር ክኢላታት ወረዳታትን ከተማታትን ዓቕሚ መዕበዪ ስልጠና ከም ዝሃበ ኣፍሊጡ።

ሓደሽቲ ኣዋጃት ኣታዊ ግብርን ምምሕዳርን ግብርን፣ ስርዓት ኣወሳስና ግብርን ኣተኣላልያ ቅሬታን ይግበአንን፣ ምሓዝ ሃፍትን ምምሕዳራዊ መቅፃዕትን መሰረት ብምግባር ንመሓውር ክኢላታት ኣተኣኻኽባ እቶትን ክትትልን፣ ንትምህርትን ስልጠናን ግልጋሎት ዓማዊልን ንፍሉይ ኦዲተራትን ኣብ ከተማ ኣክሱም ካብ ዕለት 13 ክሳብ 17/04/2009 በጀት ዓመት ዓቕሚ መዕበዪ ስልጠና ከም ዝሃበ ምኽትል ዋና ዳይሬክተር በዓል መዚ ልምዓት እቶት ክልል ትግራይ ኣይተ ወ/ገብርኤል ኣፅብሃ ኣገንዚቦም።

ቑጠባዊ ዓቕሚ ኣታዊና ንምዕባይ ነዚ ዝምጥንን ዝድግፍን ስርዓት ምምሕዳር ግብርን ምጥንኻርን ምምሕያሽን ወሳኒ ብምዃኑ ብብርኪ ሃገር ዝተመሓየሹ ኣዋጅ ኣታዊ ግብርን ምምሕዳር ግብርን ኣብ ወርሒ ሓምለ 2008 በጀት ዓመት ፀዲቑ ናብ ተግባር ተኣትዩ እዩ። እዞም ሓደሽቲ ኣዋጃት ንንውሕ ዝበሉ ዓመታት ተበታቲኖም ዝፀንሑ ኣዋጃትን ደንብታትን ናብ ሓደ ብምውዳብ ግልፅነትን ተሓታትነትን ብምስፋን ምስ ዝበፃሕናዮ ቁጠባዊ ዕብየት ንምዝማድ እዚ ስልጠና ክፍተታትና እናፅበብና ዓቕምና እነጎልብተሉ ስሉጥን ቀፃልነት ዘለዎን ግልጋሎት ንምሃብ ዝሕግዝን ከፈልቲ ግብሪ ከከም ኣታዊኦም ክኸፍሉ ዝገብር ምኻኑ እቶም ምክትል ዋና ዳይሬክተር ገሊፆም።

ቐንዲ ዕላማታት ምምሕያሽ ኣታዊ ግብርን ምምሕዳር ግብርን ብተግባር ሪፎርምታት ግብሪ ኣብ ምፍፃም ዘፀግሙ ዝነበሩ ድንጋገታት ግልፅነት ንኽህልዎም ብዝተበታተነ መንገዲ ኣብ ስራሕ ዝፀንሑ ኣዋጃት ብምውህሃድ ብምምሕዳር ግብሪ ዝምርሑ ድንጋገታት ዓርሶም ክኢሎም ኣብ ጥቕሚ ክውዕሉ ብምግባር ኣብ ከፈልቲ ግብሪ ዝበፅሕ ዝነበረ ምንግልታዕ ብምውጋድ ፍትሓዊ ስርዓት ኣከፋፍላ ግብሪ ንምዝርጋሕ ዝዓለመ ሙያዊ ስልጠና እዩ።

ዜጋታት ሓንቲ ሃገር ዝኸፍልዎ ግብሪ ኣብ ድሌት ዝተመሰረተ እንተይኮነስ ኣታዊኦም መሰረት ዝገበረ ብሕጊ ተገዲዶም ንልምዓት ሃገሮም ዝኸፍልዎ ግቡእ ኮይኑ ማሕበራውን ቁጠባውን ፖለቲካውን ስራሕቲ ንምስላጥ ዝኽፈል እንትኸውን ሰራሕተኛታት ልምዓት እቶት ዓቕሞም እናዕበዩ ንኸፈልቲ ግብሪ ብዝገበርዎ ደገፍን ክትትልን ብዓርሰ ተበግሶ ምኽፋል ግብሪ መግለፂ ስልጥኑን ዜግነታዊ ጉቡእን እናኾነ ይመፅእ ከም ዘሎ ኣይተ ወ/ገብርኤል ኣፅብሃ ብተወሳኺ ግልፂ ገይሮም።

ተሳተፍቲ እቲ ስልጠና ኣይተ ሃ/ስላሴ ገ/ሂወትን ወ/ሮ ትርሓስ ገዛእን ብወገኖም ነባራትን ሓደሽትን ኣዋጃት ዘመሳስልዎምን ኣፈላላዮምን መሰረት ብምግባር ዝተውሃበ ስልጠና ዓቕምን ክእለትን ካብ ምዕባይ ብተወሳኺ ወረዳታትን ከተማታትን ተሞክሮታት ዝተለዋወጥናሉን ተሞክሮ ዝቐሰምናሉን እዩ ክብሉ ገሊፆም።

                                                                    ብደጋፊ ከይዲ ስራሕ ርክብ ህዝቢ

ሰራሕተኛታት በዓል መዚ ልምዓት እቶት ክልል ትግራይ መበል 42 ዓመት ልደት ህወሓት 11 ለካቲት ኣኽቢሮም።

 

ሰራሕተኛታት በዓል መዚ ልምዓት እቶትን ነባራት ተጋደልትን ናይቲ በዓል ዕዱማት ኣጋይሽን ኣብ ዝተረኸብሉ መድረኽ መበል 42 ዓመት ልደት ህወሓት 11 ለካቲት ብድምቀት ኣብ ዘኽበርሉ እዋን ኣብ ናይ ሃገርና ቁጠባዊ፣ ፖለቲካውን ማሕበራውን ምንቅስቓሳት ዝትመዝገቡ ዓወታት መበገሲ ዝገበረ ውድባዊ መግለፂ ህወሓት ብምኽትል ዋና ዳሬክተር በዓል መዚ ልምዓት እቶት ክልል ትግራይ ኣይተ ወ/ገብሪኤል ኣፅብሃ ምስ ቀረበ ህወሓት ከመይ እዩ ክዕወት ክኢሉ ? ብዝብል መበገሲ ዛዕባ መሰረት ዝገበረ ስርሒታት ታሪኽ ህወሓት ካብ እቲ ባሕሪ ብጭልፋ ብዝብል ሓሳብ ብሰብ ታሪክ ተጋደልቲ ህወሓት ቀሪቡ እዩ።

ጀጋኑ ተጋደልቲ ህወሓት 11 ለካቲት 1967 ዓ/ም ናብ በረኻ ደደቢት ቃልሲ ንምውላዕ ዝወፅሉ ምኽንያት ኣብ ህዝቢ ትግራይን ካልኦት ውፁዓት ብሄራት ኢትዮጵያን ተፃዒኑ ዝነበረ ድሕረት፣ ድንቁርና፣ ጭቆና፣ ስደት፣ ድኽነት፣ ዓፈና መንነትን ካልኦትን ዝኣመሰሉ ማእለያ ዘይብሎም ግፍዕታት ይበፅሕዎም ስለ ዝነበሩ ነዚ ኩሉ መከራን ስቓይን መበገሲ ዝኾነ ፋሽስት ስርዓት ደርጊ ካብ ሱሩ ነቒልካ ካሊእ ሓዱሽ ስርዓት ንምትካል ዝብል ዕላማ መሰረት ብምግባር እዩ። ነዚ ዕላማ ንምጅማር ኣብ ፈለማ 11 ተጋደልቲ ውሑድ መሳርሒ ብምሓዝ ኣእላፍ ሰገናት፣ መናእሰይን ዓበይትን ህዝብታት ትግራይ ኢሉ እውን ኢትዮጵያ ኣብ ዙርያ ውድብ ህወሓት ዘሰልፍ ቅኑዕ ህዝባዊ መስመር ሒዞም ቃልሲ ወሊዖም እዮም። ኮይኑ ግና ህወሓት ኣብ ፈለማ እዋን ቅኑዕ ህዝባዊ መስመር ሒዙ ዝተበገሰ ውድብ ብምንባሩ ናይ ካልኦት ኣንፃር ደርጊ ዝቃለሱ ዝነበሩ ዘይቅኑዓት ውድባት ተቃውሞ በፂሕዋ ነይሩ እዩ። ይኹን እምበር መስመር ህወሓት ኣብ ህዝቢ ሰፊሕ ተቐባልነት ረኺቡ ስለ ዝነበረ ንኹሎም ውድባት ደምሲሱ ብዓወት መሰስ ኢሉ እዩ። ህወሓት ቅኑዕ ህዝባዊ መስመር ብምሓዙ እምበር እንተ በዝሒ ኣፅዋርን ሰራዊትን እማ ናይ ውድባት ጠራናፊት፣ኢድዩ፣ጀብሃ፣ኢሃፓን ካልኦት ዝበዝሐ እዩ ነይሩ። ህወሓት ሒዛቶ ብዝተበገሰት ቅኑዕ ህዝባዊ መስመር ፣ቅኑዕ ዕላማን ነዊሕ ራእይን ስለዝነበራ ንኹሎም ናይ ትምክሕቲ ውድባት ኣብ ዓውደ ውግእ ብምድምሳስ ናይ ኲናት ተሞክሮን ክእለቱን ብምዕባይ ን17 ዓመት ህልኽ ዘወድእ መሪር ቃልሲ ብምክያድ ዘልኣለም ኣብ ህሊና ህዝብታት ኢትዮጵያ ነባራይ ዝኾነ ተደራራቢ ዓወት ከም ዘመዝገበ ኣብቲ በዓል ዝተረኸቡ ተጋዳላይ ኣርኣያ ወርቅነህ ኣዘንቲዎም።

 

ኣብ 11 ለካቲት ዝፈለመ ቃልሲ ውፁዓት ህዝብታት ውፅኢቱ ነቲ ግፍዓዊ ኣረጊት ስርዓት ብምድምሳስ ሓዱሽ ኣብ ተሳትፎ ህዝብታት ዝኣምን ዲሞክራሲያውን ልምዓታውን ስርዓት ተተኺሉ እዩ። እዚ ሓዱሽ ስርዓት ህወሓት ኢህወደግ ናይ መላእ ህዝብታት ኢትዮጵያ ነፃነት፣መሰል ዓርሰ መንነት፣ሰላም፣ዲሞክራሲ፣ልምዓትን ማዕረ ተጠቃምነትን ኣረጋጊፁ እዩ። ብፍላይ መስመር ህወሓት ካብ ብጉሓቱ ኣብ መንጎ ገዛኢ ደርብን ውፁዕ ህዝብን ዝነበረ ኣፈላላይ ፈላልዩ ዝርኢ ውድብ ስለ ዝነበረ ኩሎም ብሄራትን ህዝብታትን ኢትዮጵያ ኣብ ዙርያ ህወሓት ኢህወደግ ዓሲሎም ብማዕረ ተጠቀምቲ ዝኾንሉ ሰላም፣ዲሞክራስን ልምዓትን ፈጢሩ እዩ። በዚ ድማ ኣብ መላእ ክልልናን ሃገርናን ትምህርቲ፣ጥዕናን ካልኦትን ተስፋሕፊሑ ህዝብና ተጠቃሚ ብምዃኑ ዕላማ 11 ለካቲት ከም ዝተዓወተ ተጋዳላይ ኣርኣያ ወርቅነህ ወሲኾም ገሊፆም።

 

ኣብ መወዳእታ ካብቲ መድረኽ ብተረከብቲ ሕድሪ ስርሒታት ህወሓት ዝኾኑ ሊግ መናእሰይ በዓል መዚ ልምዓት እቶት ክልል ትግራይ ናይ ሕቶን መልስን ውድድራት ምስተኻየዱ ተሳተፍቲ እቲ መድረኽ ካብ ተጋደልቲ ህወሓት ዝነበሮም ጥንካረታት፣ ፅኑዕ ዕላማ፣ ህዝባውነትን ቅኑዕ መስመርን እንታይ ይመስል ከም ዝነበረ ትምህርትን ተሞክሮን ከምዝረኸቡ ሓሳቦም ምስ ገለፁ እቲ በዓል ብዓወት ተዛዚሙ እዩ።    

 

 

በዓል መዚ ልምዓት እቶት ክልል ትግራይ ኣብ ኣፈፃፅማ መደባት 2008 በጀት ዓመት ዕዙዝ

ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ፤

 

በዓል መዚ ልምዓት እቶት ክልል ትግራይ በቢ ዓመቱ ካብ ወረዳታት፣ ከተማታትን ክፍለ ከተማታትን ስርዓት ምምሕዳር ግብርን ታክስን ብምትግባር፤ ኣብ ምርግጋፅ ዘላቂ ልምዓትን ሰናይ ምምሕዳርን ተመዝጊቦምን እናተመዝገቡን ዘለው ዓወታትን ጭቡጣት ለውጥታትን መሰረት ብምግባር ነዚ ኣብ ምትግባር ዕዙዝ ግደ ንዝነበሮም ሓገዝትን መዳርግቲ ኣካላትን ኣመራርሓን፣ ኣብያተ ፅሕፈትን ውልቀ ፈፀምትን በቢዓመቱ መድረኽ ሽልማት ብምድላው ንቡሉፃት ሃርበኛታት ልምዓት እናተባብዐን ኣፍልጦ እናሃበን ከም ዝመፀ ዋና ዳይሬክተር በዓል መዚ ልምዓት እቶት ወ/ሮ ምሕረት በየነ ኣገንዚበን።እዚ ናይ ሎሚዘበን መድረኽ ንክራይ ኣካብነት ብትረት ብምቅላስ ስርዓት ግብርን ታክስን ፍልፍል ልምዓትን ሰናይ ምምሕዳርን ክንገብሮ ኢና ብዝብል ቴማ ልምዓታውነት ብምስፋሕን ብምጉልባትን ቁጠባዊ ምዕባለ ክልልና ዘፈልፍሎ ኣታዊ ብምእካብ ዘላቒ ልምዓት ክልልና ንምቅልጣፍ ካብ ክልል ጀሚሩ ክሳብ መሓውር ወረዳታትን ከተማታትን ኣብያተ ፅሕፈት ልምዓት እቶት በቢ ዓመቱ ዝገበርናዮ ወያናይ ቃልሲ መደባትን ልምዓት እቶት ኣብ ምዕዋት ሓጋዚ ኮይኑ እዩ። በዓል መዚ ብዝተጠናኸረ መደባት ካልኣይ ትልሚ ዕብየትን ስግግርን ንምዕዋትን ህንፀት ልምዓት ሓይሊ ሰብ ንምጥንኻር ኣዋጃት፣ ደንብታትን መምርሕታትን ግብርን ታክስ ብዓርሰ ምምህሃር ኣቢሎም ዓቕሞምን ክእለቶምን ንምዕባይ ዝደጋገፉን መዓልታዊ ህንፀት ዘካይዱን ኮይኖም ፖለቲካዊ ዓቕሞም ብምዕባይ ናብ ሓበራዊ ኣተሓሳስባ ክእለትን ክምፁ ከም ዝኸኣሉ እተን ዋና ዳይሬክተር ገሊፀን።

 ኣብቲ መድረክ ዝተረኸቡ ኣቦ ወንበር ውድብና ህወሓትን ርእሰ ምምሕዳር ክልልናን ክቡር ኣይተ ኣባይ ወልዱ ብወገኖም ሰራሕተኛታት በዓል መዚ ብውዳበኹም ተጠናኺርኩም እተሳልጥዎ ዘለኹም ስራሕቲ በቢ ደረጅኡ ዝርከብ መላእ ህዝብን ከፈልቲ ግብርን ዘሳተፈ ብምኻኑ መደባትኩም ክተዐውቱን ክተሳልጡን ምክኣልኩም ክትኾርዐሉ ዝግባእ ስራሕ እዩ ብምባል ሐዚ’ውን ኣብ ሃገርና ዘጋጥም ዘሎ ትምክሕትን ፀቢብነትን ብውዳበና ተጠናኺርና ክንሰርሐሉን ክንቃለሶን ይግባእ ክብሉ መልእክቶም ኣመሓላሊፎም።

 ላማ እዚ ሐዚ ዝሳለጥ ዘሎ መድረኽ ድማ ሽልማት ሃርበኛታት ልምዓት ኣፍልጦ ብምሃብን መደባት ካልኣይ ትልሚ ዕብየትን ስግግርን ሃገርናን ክልልናን መሰረት ብምግባር ኣመዝጊብናዮም ዘለና ዓወታትን ምዕባለታትን ኣብ ልምዓትን ሰናይ ምምሕዳርን ርኡይ ምንቅስቓስን ፀብለልታን ንዝነበሮም ሰራሕተኛታት ምንቅስቓሶም ኣጠናኺሮም ንክቕፅሉ ዝሕግዝ እዩ። ካልኦት ድማ ካብዚ መድረኽ ሽልማት ተማሂሮም ዝጎድልዎም ኣሰራርሓታት፣ ክእለትን ዓቕምን ሪኦም ንቐፃሊ ኣብ መንጎ እዞም ኣካላት ወያናይ ንሕንሕን ሓቦን ብምፍጣር ብውፅኢት ስርሖም ተሸለምቲ ክኾኑ ዓሊሙ ዝተሳለጠ መድረኽ’ውን እዩ። ኣብ ከተማታት ዝርኣዩ ኣተሓሳስባን ተግባራትን ክራይ ኣካብነት ፖለቲካል ኢኮኖሚ ብልምዓታዊ ፖለቲካል ኢኮኖሚ ብምትካእ ሰናይ ምምሕዳርን ኣብ ምርግጋፅን ብቑዕ ምትሕብባር ዝገበሩ ኣብያተ ዕዮ፣ ብቑዕ ኣመራርሓ ዝሃቡ ዞባን መሓውራት ወረዳን ከተማን ብምሽላም መንግስቲ ንዝሓንፀፆም መደባት ልምዓት ኣብ ምዕዋት ርኡይ ፀብለልታ ንዝነበሮም ዕውታት ሓርበኛታት ልምዓት ውልቀ ፈፀምቲ ዓቕምታት ስቪል ሰርቫንት ኣፍልጦ ንምሃብ ዓሊሙ ዝካየድ ዘሎ መድረኽ እዩ።

 መመዘኒ ረቛሕታት ተወዳደርቲ ኣካላት ልእኽትኦም መሰረት ዝገበረ ኮይኑ ብፍላይ ንኣብያተ ፅሕፈትን ውልቀ ፈፀምቲ ዓቕምታት ኣብ ቁልፊ መደብ ብቑዕ ማሕንቖታት ዘነፀረ፣ ትልሚ ብምድላው ፈፀምቲ ኣካላት ብብቕዓት ብምድላው ናብ ተግባር ክኣትው ዝገበረን ከም ውፅኢቱ ብድምር ኣብ ዓበይቲ ዝተትሓዙ መደባት ሽቶታት ልዕሊ 95 ሚኢታዊ ዝፈፀመን እዩ። ንዞባታት ድማ ብቐንዱ ካብ ምድላው ምዕራፍ ጀሚሩ ንሕድሕድ ወረዳን ከተማን ብቑዕ ናይ ደገፍን ክትትልን ስራሕቲ ብምፍፃም ናብ ዝተመጣጠነ ብርኪ ኣፈፃፅማ መደባት ክመፃ ብምግባር ከምኡ’ውን ኣብ ክረምታዊ መደባት ግብርን ታክስን ብቑዕ ምርድዳእ ብምፍጣር ውፅኢታዊ ስራሕ ክምዝገብ ዝገበሩ እዮም። ንመዳርግቲ ኣካላት፣ ደገፍትን መተሓባበርትን ኣካላት ንልኡኾም ማእኸል ዝገበረ መመዘኒ ረቛሕታት ብምድላውን ብምምዛንን 40.5 ሚኢታዊ ውልቀ ተሸለምቲ ደቂ ኣንስትዮ ዝርከባሉ ክሕረዩ ብምግባር ሽልማት ተበርኪቱሎም እዩ።

 

እቲ ሽልማት ንኣብያተ ፅሕፈት ልምዓት እቶት ብዝወፀ ረቛሒ መሰረት ብሰለስተ መንገዲ ዞባታት ብዝሃብዎ ነጥቢ፣ ብብርኪ በዓል መዚ ክልተ ግዜ ዝተኻየደ ሱፖርቪዥን ስርርዕን በብከይዲ ስርሑን ኬዝቲማትን ዓመት ምሉእ ዝተገበረ ድገፍን ክትትልን ንናይ ባዕሉ ዋጋ ብምሃብ ዝተፈፀመ እንትኸውን ኣብዚ ዓመት ዝተገበረ ኩለመደያዊ ምንቅስቓስ ምስ ናይ ክረምቲ መደባት ውፅኢት ብምትእስሳርን ኣብ ግምት ብምእታውን ዝተገበረ ስርርዕ እዩ።

ብብርኪ ክልል 6 ኣብያተ ዕዮን ኣካላት ሚድያን ዋንጫን ሰርቲፊኬትን፣ 4 ዞባታት ዋንጫን ሰርቲፊኬትን ምስ ሚኒ ላፕቶፕ፣ 8 ኣብያተ ፅሕፈት ልምዓት እቶት ከተማታትን ክፍለ ከተማታትን ደረጃ ኣፈፃፅምኦም ማእኸል ዝገበረ ዋንጫን ሰርቲፊኬትን፣ 12 ገፀር ወረዳታት ኣብያተ ፅሕፈት ልምዓት እቶት ደረጃ ኣፈፃፅምኦም ማእኸል ዝገበረ ዋንጫን ሰርቲፊኬትን፣ 30 ክለባት ግብሪ ንልምዓት ንመወከሲ ክኾኑ ዝኽእሉ መፃሕፍቲ፣ 20 ልምዓት ጉጅለ ደኣንትን ደቂ ኣንስትዮን ዋንጫን ተርቲፊኬትን፣ 10 ብሉፅ ኣፈፃፅማ ዝነበሮም ቤት ምኽሪ ንግድን ዘፈር ማሕበራትን ዋንጫን ሰርቲፊኬትን ዝተሽለሙ ኮይኖም 20 ሓለፍቲ ቤት ፅሕፈት ዝርከብዎም 202 ውልቀ ፈፀምቲ ዓቕምታት ድማ ኣብ ሰለስተ ደረጃ ማለት 50 ሰራሕተኛታት ኣብ ቀዳማይ ደረጃ ንዝተቐመጡ 5‚000 ብር ምስ ሰርቲፊኬት፣ ን76 ኣብ ካልኣይ ደረጃ ዝተቐመጡ 4‚000 ብር ምስ ሰርቲፊኬትን ከምኡ’ውን ን76 ብሳልሳይ ደረጃ ዝተቐመጡ ድማ 3‚000 ብር ምስ ሰርቲፊኬትን ክሽለሙ ተገይሩ እዩ ክብላ ዋና ዳይሬክተር በዓል መዚ ልምዓት እቶት ወ/ሮ ምሕረት በየነ ብተወኺ ግልፂ ገይረን።

ብተዛማዲ ተሳተፍቲ ኣካላት ገምጋም ኣፈፃፅማ መደባት 2008 በጀት ዓመት ብዕምቆት ዘካየዱ እንትኾኑ ቀፃሊ መደባት 2009 በጀት ዓመት ብዝርዝር ብምዝታይን ርኢቶታት ብምሃብን ኣብ ሓበራዊ ምርድዳእ ዝተበፅሐ እንትኸውን ሐዚ ኣብ ሃገርና ዘጋጥም ዘሎ ትምክሕትን ፀቢብነትን ንምምካት ኣበርቲዖም ከም ዝሰርሑ ቃል ኣትዮም።

 

ብደጋፊ ከይዲ ስራሕ ርክብ ህዝቢ

 

 

 

Subcategories

 

  • ንደረጃ ‘ለ’ ኸፈልቲ ግብሪ ናይ ግብሪ መኽፈሊ እዋን ካብ ሓምለ 01/2008 ክሳብ ጳጉሜን 05/2008 ምዃኑ፣
  • ንደረጃ ‘ሀ’ ኸፈልቲ ግብሪ ናይ መኽፈሊ እዋን ድማ ካብ ሓምለ 01/2008 ክሳብ ጥቅምቲ 30/2009 ምዃኑ እንዳዘኻኸርና ግብሪ ብእዋኑ ብምኽፋል ሃገራዊ ግቡእና ንዋፃእ፡፡

September 2017
12
3456789
10111213141516
17181920212223
24252627282930

በዝሒ ጎብነይቲ

040963
ሎምዓንቲሎምዓንቲ10
ትማሊትማሊ26
ኣብዚ  ሰሙንኣብዚ ሰሙን52
ኣብዚ ወርሒኣብዚ ወርሒ876
ጠቕላላ ክሳብ ሐዚጠቕላላ ክሳብ ሐዚ40963

We have 12 guests and no members online


bottom
top

bottom

© 2014 Tigray Revenue Development Authority .All Rights Reserved