top
logo

ሕትመታት

ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ

ኣብ ቅብሊት ምቁራፅ ዝርኣዩ ኣተሓሳስባን ተግባራትን ኣካብነት ክራይ ንምድኻም ኣበርቲዖም ከም ዝሰርሑ ሞዴላት ከፈልቲ ግብሪ ከተማ ዓድዋ ገሊፆም

 

ብብርኪ ክልል በዓል መዚ ልምዓት እቶት ሞዴላት ከፈልቲ ግብሪ ንምፍጣርን ንምድጋፍን መምርሒ ኣፈፃፅማ ኦዲት ስትራተጂ ብምውፃእ ዝሐሹ ከፈልቲ ግብሪ ብምፍላይ ብተግባር ብመደጋገፊ ኔትዎርክ ብምትሕሓዝ ብዝተገበረ ደገፍን ክትትልን ኣብ ከተማታትን ወረዳታትን ብዓሰርተታት ኣሽሓት ሞዴላት ከፈልቲ ግብሪ ተፈልዮም ሪፎርምታት ግብሪ ኣብ ምትግባር ይርከቡ።

 

ካብቶም ብቤት ፅሕፈት ልምዓት እቶት ከተማ ዓድዋ ዝተፈለዩ ሞዴላት ከፈልቲ ግብሪ ሓደ ዝኾነ ስራሕ መካየዲ ቤት ቁርስን ኬክን ልደት ኣይተ መንበሩ ጥበቡ ብምክንያት ቕንያት ግብሪ 2009 በጀት ዓመት ቤት ቁርስን ኬክን ልደት ንመጀመርያ ግዜ ዓርሱ ክኢሉ ብብርኪ ነጋዳይ ቕንያት ግብሪ ዘኽበረ ኮይኑ ንተግልገልቲ ዓማዊል ቕብሊት ብምሃብ በቢወርሑ ካብ ተወሳኺ እሴት ተወሳኺ እሴት ታክስ ካብ 30 ክሳብ 40 ሽሕ ብር ዝኸፍል እንትኸውን ኣብ 2008/9 በጀት ዓመት ግብሪ ዘመን ካብ ተወሳኺ እሴት ታክስ 195106.83 ብር ዝኸፈለ እንትኸውን ካብ ንግዲ ትርፊ ድማ 293159 ብር ክኸፍል ዝኸኣለ ሞዴል ነጋዳይ እዩ።

 

ከፈልቲ ግብሪ ከተማ ዓድዋ ካብ ዝኾኑ ወ/ሮ ኣምለሰት የማነን ኣይተ ተጠምቐ ወልዱን ካብ ቤት ቁርስን ኬክን ልደት ተማሂርና ንተገልገልቲ ዓማዊል ቅብሊት ብምሃብ ኣብ ልምዓት ከተማናን ሃገርናን ግቡኡና ክንዋፃእ ኢና ክብሉ ቃል ኣትዮም።

 

በዓል መዚ ልምዓት እቶት ክልል ትግራይ

 

 

 


 

በዓል መዚ ልምዓት እቶት ክልል ትግራይ ኣብ ግብሪ ሰሙን ኣመልኪቱ መድረኽ ዘተ ኣካይዱ፡፡

እቲ መድረኽ ዘተ ኣብ ኣከባብራ ግብሪ ሰሙንን ኣፈፃፅማ ቅብሊትን ኣመልኪቱ ”ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል መሪሕ ቃል ዝተኸበረ ኮይኑ ኣብቲ መድረኽ ዘተ ዝተረኸቡ ምኽትል ርእሰ ምምሕዳር ክልል ትግራይን ሓላፊ ቢሮ ከተማ ልምዓት፣ ንግድን ኢንዱስትርን ዶ/ር ኣምባሳደር ኣዲሳለም ባሌማ ጉዳይ ቅብሊት ትኹረት ዝወሃቦ ዘሎ ቅብሊት ንምሃብን ምሕታትን ዘይኮነስ ካብኡ ንላዕሊ ካልኦት ዓበይቲ ሞያታት ስለ ዘለውዎ እዩ፡፡ እቲ ቀንዲ ልዕልነት ሕጊ ክኸበር ምግባር ዝብል ኮይኑ ሕጊ እቲ ዋና ናይ ዲሞክራሲ ዓምዲ ስለዝኾነ ክኸበር ኣለዎ፡፡ ብዘይሕጊ ሰላም፣ ልምዓትን ዲሞክራሲን ክተልዕል ኣይትኽእልን፡፡ እቲ ካልኣይ ቅብሊት ኣብ ምእካብ እቶት ዓብይ ግደ ስለ ዘለዎ እዩ፡፡ ካብ ሕብረተ-ሰብ ፅቡቕ እቶት እንተተኣኪቡ መንግስቲ ጠለብ ህዝቢ ዝምለሱ ዝተፈላለዩ ስራሐቲ ንምስራሕ ስለ ዝሕግዝ እዩ፡፡ ሞኽንያቱ ናይ ሓደ መንግስቲ ዋና መንቀሳቐሲ እቶት ስለ ዝኾነ ህዝቢ ንዝሓቶም ዝርገሐ መሰረት ልምዓትን ማሕበራዊ ግልጋሎት ንምምላስ ስለ ዘኽእልን እዩ፡፡ ብሳልሳይ ደረጃ ኣብ ቅብሊት ዝትግበር ዘይሕጋዊ ተግባር መጀመርያ ኣብቲ ሕጋዊ ነጋዳይ ዓብይ ጉድኣት ስለዘስዕብ ክንከላኸሎ ስለ ዝግባእ እዩ፡፡ በዚ መሰረት ጉዳይ ቅብሊት ጉዳይ ኩሉ ዜጋ እምበር ናይ መንግስቲ ጥራሕ ስራሕ ስለዘይኮነ ኩላትና ተጠየቕቲ ክንኸውን ይግባእ፡ ነቶም ሕጋውያን ሰብ ሃፍቲ ብምትብባዕ ብኣንፃሩ ነቶም ሕጊ ዝጥሕሱን መጭበርበርትን ነጋዶ ድማ ክቃልዑን ክቕፅዑን ክግበር ኣለዎ ኢሎም ዶ/ር ኣምባሳደር ኣዲሳለም ባሌማ፡፡

 

   

ብተወሳኪ ኣብቲ መድረኽ ዘተ ዝተረኸባ ዋና ዳይሬክተር በዓል መዚ ልምዓት እቶት ክልል ትግራይ ወ/ሮ ምሕረት በየነ እዚ መድረኽ ዘተ 20 ጉንበት ሞኽንያት ብምግባር ዝኽበር ግብሪ ሰሙን መእተዊ መድረኽ ኮይኑ ኣብ ሪፎርምታት ግብሪ መሰረት ዝገበረ እዩ፡፡

ብፍላይ ኣብ ቅብሊት ዘሎ ዘይሕጋዊ ተግባር ተኸታታሊ ናይ ግንዛበ መዕበይ ስራሕቲ ብምስራሕ ክስተኻኸልን ሕጊ እውን ክኽበርን ምግባር እዩ፡፡ ብፍላይ ምስ ሪፎርምታት ግብሪ ዝተተሓሓዙ ምስ ምልማዕ ሓይሊ ሰብ ወይ ልምዓታዊያን ምሕያል፣ ኣወሃህባ ግልጋሎት ምምሕያሽ ፣ ኣብ ምርግጋፅ ልዕልነት ሕጊ ብፍላይ ምስ ቅብሊት ምቑራፅን ኢኮኖሚ ዘፈልፈሎ እቶት ምእካብን ዝብሉ ሪፎርምታት ተግባራዊ ንምግባር ኣብቲ ቤት ዕዮ ልምታዊ ኣተሓሳስባን ክእለትን ዝወነነ ሰራዊት ተፈጢሩ እዩ፡፡ ብፍላይ ኣብ መምርሕታት፣ደንብታትን ኣዋጃትን ዘለዎ ፍልጠተ ብዓርሰ ምምህሃር ኣቢሉ ብምዕባይ ዝሓሸ ኣሰራርሓ ከም ዝተኸኣለ ወ/ሮ ምሕረት በየነ ሓቢረን፡፡

   ኣብ መወዳእታ ካብ ተሳተፍቲ ግንዛበ ኣብ ምፍጣር እንታይ ይመስል፣ ፈጣን ግልጋሎት ኣብ ምሃብን እኹል ሓይሊ ሰብ ኣብ ምምላእ፣ ቅብሊት ኣብ ዘይቆርፁ ነጋዶ ዝወሰዱ ሕጋዊ መምሃሪ ዝነኣሰ ምዃኑን ምስ ነፃ ቀረፅን ኮንትሮባንድን ዝተተሓዙ ዝተፈላለዩ ሕቶታትን ርኢቶታትን ቀሪቦም ካብ መራሕቲ መድረኽን ተሳተፍትን ኣብቶም ዝፍፀሙ ዘለው ዘይሕጋዊ ተግባራት፣ ኣብ ዓበይቲ ነጋዶ ዝውሰዱ ሕጋዊ መምሃሪ ቅፅዓታትን ምስ ምስፍሕፋሕ ቴክኖሎጅ ዝምልከት ግቡእ ዝኾነ ግብረ መልስን ርኢቶን ምስተወሃበ እቲ መድረኽ ዘተ ብዓወት ተዛዚሙ፡፡

 

 

  

 

 

ቤት ፅሕፈት ልምዓት እቶት ክፍለ ከተማ ዓዲ ሓቂ ግብሪ ሰሙን መሰረት ብምግባር መድረኽ ዘተ ኣካይዱ።

ግብሪ ሰሙን 2009 በጀት ዓመት ኣብ ክልልና “ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል መሪሕ ቃል ኣብ ዝኽበረሉ ዘሎ እዋን ብተመሳሳሊ ክፍለ ከተማ ዓዲ ሓቂ እውን ዝተፈላለዩ ክፋላት ማሕበረሰብ እቲ ክፍለ ከተማ ኣብ ዝተረኸብሉ መድረኸ ዘተ ኣካይዱ።

ኣብቲ መድረኽ ዘተ ዝተረኸባ መተሓባበሪት ምኽባር ሕጊ እቶትን ኢንተለጀንስን ቤት ፅሕፈት ልምዓት እቶት ዞባ መቐለ ወ/ሮ ዘምዘም ኣደም ኣብዚ ሐዚ እዋን እናተኸበረ ዘሎ ግብሪ ሰሙን ቀንዲ ዕላምኡ ኣብ ጉዳይ ቅብሊት ዝፍፀሙ ዘለዉ ዘይሕጋዊ ተግባራት መፍትሒ ንምቕማጥ “ቅብሊት ምሃብ ድርብ ኩርዓት ቅብሊት ዘይምሃብ ፀረ ልምዓት” ብዝብል ጭርሖ ተሓጊዙ እናተኻየደ ይርከብ። ስለዚ ኣብ ኣጠቓቕማ ቅብሊት መንግስቲ ካብ ተጠቀምቲ ግብሪ ንምእካብ ንነጋዶ ዝሃቦም ውክልና ወይ ከዓ ሓደራ ሓላፍነቶም ንክዋፅኡን ፍትሓውን ተመጣጣንን ግብሪ ንምእካብን ኩሉ ሕብረተሰብ ብንጥፈት ዝሳተፈሎም መድረኻት ኣገደስቲ ከም ዝኾኑ ሓቢረን።

                                                                                                  

ምስዚ ብተዛማዲ ናይ ከተማ ነባሪ ማሕበረሰብ ንግድን ዓዳግን ስለ ዝኾነ ቅብሊት ሓታቲ ተጠቃሚ ማሕበረሰብን ቅብሊት ብቅንዕና ዝህብ ነጋዳይን ብምፍጣር ጉዳይ ቅብሊት ጉዳይ ኩሉ ሕብረተሰብ እናኾነ እዩ። ከምኡ እውን ኣብ መሸጣን ክራይን ገዛ ዝረኣዩ ዘለዉ ዘይሕጋዊ ተግባራ መሰረታዊ መፍትሕታት ንምቕማጥ ኩሉ ሕብረተሰብ ብቅንዕናን ብእምነትን ዝሳተፈሎም መድረኻት ብምድላው ፍትሓዊ ሃፍቲ ክፍፍል ዘመዓራርን ኣብ ልምዓት ዝውዕልን ኣታዊ መሰረት ዝገበረ ተመጣጣኒ ምኽፋል ግብሪ ብተሳትፎ ሓፋሽ ህዝቢ እናተረጋገፀ ከም ዝኾነ ኣመሓዳሪ ክፍለ ከተማ ዓዲ ሓቂ ኣይተ ገ/መድሂን ኣረጋይ ገሊፆም።

ኣብ መወዳእታ ቅብሊት ኣብ ምቑራፅ ዘሎ ኩነታት ከመይ ከም ዝኾነ፣ ተወሳኺ እሴት ታክስን ሒሳብ መዝገብን ኣብ ምትሓዝ ከመይ’ዩ? ኣብ ኣወሃህባ ግልጋሎትን ፍትሓውነትን ምኽፋል ግብሪ ዘሎ ኣፈፃፅማን እንታይ ይምስል? ብግብሪ ኣቢልካ ሃፍቲ ክፍፍል ሕብረተሰብ ኣብ ምርግጋፅ እንታይ ክያዶታት ተኸይዶም? ዝበሉ ሕቶታትን ርኢቶታትን ካብ ተሳተፍቲ እቲ መድረኽ ዘተ ተላዒሎም ካብ መራሕቲ መድረኽን ተሳተፍቲ ኣካላትን ግቡእ መብራህርህን ርኢቶን ምስተውሃበ ኩሉ ተሳታፊ “ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል ቃልኪዳን ብምእታው እቲ መድረኽ ዘተ ተዛዚሙ።

 

                                                            

       በዓል መዚ ልምዓት እቶት

 

 

ኣብ ቅብሊት ዘይምቑራፅ ዝረኣዩ ኣተሓሳስባን ተግባራትን ኣካብነት ክራይ ንምውጋድ ኣበርቲዖም ከም ዝሰርሑ ኣመራርሓን ነጋዶን ክፍለ ከተማ ዓይደር ገሊፆም

ነዚ ዝተገለፀ ቅንያት ግብሪ 2009 በጀት ዓመት ምኽንያት ብምግባር ምስ ኣመራርሓ ሓገዝትን መዳርግቲ ኣካላትን፣ከፈልቲ ግብሪ ውዳበታት ሓፋሽ ማሕበራትን ልምዓት ጉጅለን ደኣንትን ብሓባር ኣብ ዘሳልጥዎ መድረኽ ዘተ ኣብ ቅብሊት ዘይምቑራፅ ዝርኣዩ ምስዋርን ምጭብርባርን ግብሪ ንምውጋድ ኣበርቲዕና ክንሰርሕ ይግባእ ክብላ ሓላፊት ቤት ፅሕፈት ልምዓት እቶት ክፍለ ከተማ ዓይደር ወ/ሮ ሰለማዊት ሓድጉ ኣገንዚበን።


ኣብ ምሕደራ ግብሪ ዝርኣዩ ዘይሕጋዊ ተግባራት ብሓባር ንከላኸል ብዝብል መሪሕ ቃል ብብርኪ ክልልና ተጠናኺሩ ዝኽበር ዘሎ ኮይኑ ከፈልቲ ግብሪ ክፍለ ከተማ ዓይደር ሪፎርምታት ግብርን ታክስን ብምትግባር ኣካብነት ክራይ ብሓባር ንቃለስ፣ ግብሪ ምኽፋልን ንግዲ ፍቓድ ምሕዳስን ባህልና ንግበሮ፣ ንተገልገልቲ ዓማዊል ቅብሊት ምሃብ ባህልናን ልምድናን ክንገብሮ ኣለና ብዝብል መሪሕ ጭርሖታት ተዓጂቡ ልምዓታውን ዲሞክራሲያውን መስመር ካብ ዘመንጨዎ ቁጠባ ፍትሓዊ ግብሪ ብምእካብ ናይ መንግስቲ ወፃእታት ብውሽጣዊ ዓቕምታት ንምሽፋን ዝያዳ ተጠናኺርካ ምስራሕ ከም ዘድሊ እተን ሓላፊት ገሊፀን።


 

ሰኣን ጥቡቕ ደገፍን ክትትልን 6መንግስቲ ንኸፈልቲ ግብሪ ካብ ቫት ካብ ተጠቀምቲ ዓማዊል ዝርከብ እቶት ንምእካብ ሓላፍነት ሂቡ ኣክቡለይ ኢሉ ዋላ ሓላፍነት ይሃቦም ኣብ ምትግባሩ ክራይ ኣከብቲ ነጋዶ ንውልቀ ረብሐኦም እንተውዕልዎ ይረኣይ ብምህላዉ ኣብ ምሕደራ ግብሪ ልዕልነት ሕጊ ንምርግጋፅ ብተደጋጋሚ ግንዛበ መዕበይ ትምህርትን ስልጠናን ብምሃብ ምምሕዳራዊ ስጉምቲ ምውሳድ ወሳኒ ከም ዝኾነ ኣብ ቤት ፅሕፈት ልምዓት እቶት ዞባ መቐለ መተሓባበሪት ከይዲ ስራሕ ምኽባር ሕጊ እቶትን ኢንተለጀንስን ወ/ሮ ዘምዘም ኣደም ብተወሳኺ ኣገንዚበን።

 

ተሳተፍቲ እቲ መድረኽ እውን ግብሪ ምኽፋል ሰላምን ልምዓትን ክምዕብል፣ማሕበራውን ፖለቲካውን ስራሕትና ክሳለጡ ዝገበር ብምዃኑ ኣብ ቅብሊት ዘይምቁራፅ ዝርኣዩ ዘይሕጋዊ ተግባራት ብምድኻም ምኽፋል ግብሪ ባህልና ክንገብሮ ኢና ክብሉ ቃል ኣትዮም።

 

 

                                                   በዓል መዚ ልምዓት እቶት

 

 

“ኣብ ቅብሊት ምቑራፅ ዘሎ ዘይሕጋዊ ኣካይዳ ናብ ስርዓት ንምእታው ኣብቲ ሕ/ሰብ ምንቕናቕ ብምፍጣር ንክራይ ኣከብቲ ብትረት ምቅላስ እዋኑ ሕዚ’ዩ።”  

 

ልምዓታውን ዲሞክራሲያውን መንግስትና ኣብ ሃገርና ኣንፀላልዩ ዝነበረ ሚሒር ድኽነትን ድንቁርናን ትሑት መሰረተ ልምዓትን ናብ ልምዓት ንምቕያር ፣

 

  • ዝተፈላለዩ ፖሊስታትን ስትራተጂታትን ብምቕራፅ ፣
  • ህልኽካ ዘወድእ ቃልሲ ብምክያድ ኣብዚ ሐዚ እዋን ዘተባብዕ ውፅኢት እንዳተመዝገበ ይርከብ ኣሎ።

 

  • ሓደ ካብቶም ተቐሪፆም ለውጢ ኣብ ምምፃእ ዝርከቡ ዘለዉ ሪፎርምታት ድማ ኣብ ስርዓት ምምሕዳር ግብሪ ዝነበረ ዘይፍትሓዊ ኣካይዳ መልክዕ ዘትሕዝ እዩ።
  • ከምዝፍለጥ መንግስትና ሓደ ካብቶም ክራይ ኣከብቲ ዘንፀላልውሎም ሴክተራት እቶት ኢሉ ኣነፂሩ እዩ።
  • ነዚ መሰረት ብምግባር ምስ በቢ ደረጅኡ ዘሎ ኣመራርሓ ምርድዳእ ብምግባር፣
  • ምስቲ ኣመራርሓ ቤት ምኽሪ ንግድን ዘርፍ ማሕበራትን ማሕበረሰብ ንግድን ምርድዳእ ብምግባርን ሰፊሕ ቃልሲ ብምክያድን ናብ ዘሓሸ ደረጃ በፂሑ’ዩ ምባል ይከኣል።
  • ብፍላይ ምስቲ ታሕተዋይ ነጋዳይ ዝነኣድ ምርድዳእ ተፈጢሩ እዩ።
  • ኣብቶም ላዕለዎት ግብሪ ከፈልቲ እንተኾነ’ውን ግብሪ ንልምዓት ከምዝኾነን ኣብ እንታይነትን ኣድላይነትን ግብሪ ሰፊሕ ምርድዳእ ኣለና።
  • ይኹን’ምበር ሐዚ’ውን ዘይተሰገረ ዓብይ ፀገም ኣለና። ንሱ’ውን ኣብቲ ማሕበረሰብ ንግዲ ቅብሊት ቆሪፁ ዘይምሃብን ኣብቲ ሕ/ሰብና ድማ ቅብሊት ሃበና ኢሉ ዘይምቕባን ዘሎ ፀገም’ዩ።
  • ካብዚ ዝተርፍ ገንዘብ ድማ ንክንደይ ፀገማት መሰረት ልምዓት ምሸፈነልና ነይሩ።
  • ኣብዚ ኣብ ቅብሊት ምቑራፅ ዝምልከት
  • ዝተወሰኑ ነጋዶ ቅብሊት ብዝግባእ እንዳቆረፁ ናብ መንግስቲ ኣታዊ ዝገብሩ ኣለዉ።
  • ዝተወሰኑ ድማ ሓደ ሓደ ዝቆርፁ ዝበዝሕ ድማ ዘይቆርፁ ኣለዉ
  • ጠቕሊሎም ድማ ዘይቆርፁ ኣለዉ።
  • እዚ ድማ ወንጀል እዩ።

 

ነዚ ከምዚ ዝበለ ወንጀል ዝሰርሑ ኣከላት ድማ ምምሕዳራዊ ገበንን ከቢድ ቅፅዓትን ዘስዕብ ምዃኑ መንግስትና ኣብ ተመሓይሹ ወፂኡ ዘሎ ኣዋጅ ኣታዊ ግብሪ ፌደራል ቑፅሪ 979/2008 ወይ ከዓ ኣዋጅ ኣታዊ ግብሪ ብ/ክ/መ/ትግራይ ቑፅሪ ኣዋጅ 283/2009 ኣብ ኣዋጅ ምምሕዳር ግብሪ ፌደራል ቑፅሪ 983/2008 ወይከዓ ኣዋጅ ምምሕዳር ግብሪ ብ/ክ/መ/ትግራይ ኣዋጅ ቑፅሪ 284/2009 ብግልፂ ደንጊጉ’ዩ።

 

  • ኣብዚ መንግስቲ ካብ ብሕጊ ምቕፃዕ ብምርድዳእ ምፍታሕ እዩ ዝሐይሽ እንዳበለ እንዳሰርሐ ፀኒሑ እዩ። ኮይኑ ግና ካብ በዚ ሐዚ መንግስቲ ከምዚ እንዳበለ ኣይቕፅልን ናብ ምርር ዝበለ ስጉምቲ’ዩ ክኣቱ።
  • ስለዚ ቅብሊት ክቖርፅ ዝኽእል ኣካል ኩሉ ቅድሚ ናብ ቅፅዓት ምእታው ሕጊ ብዝእዝዞ መሰረት ንኽሰርሕን ሕ/ሰብና’ውን ቅብሊት ሃቡኒ ናይ ምባል ባህሉ ንኸዕብን እቶትና በዚ ኣቢልና ብምዕባይ ዘድልዩና መሰረተ ልምዓታት ምእንታን ክማልኡልናን ፍትሓዊ ብዘለዎ መልክዕ ግብሪ ንኽእከብንዓቢይ ሓገዝ ክገብር ከምዘለዎ በዚ ኣጋጣሚ መልእኽትና ክነመሓላልፍ ንፎቱ።

 

 

 

     ስርዓት ምሕደራ ግብሪ ፍልፍል ልምዓትን ሰናይ ምምሕዳርን ክንገብሮ ኢና!

 

 

Subcategories

 

  • ንደረጃ ‘ለ’ ኸፈልቲ ግብሪ ናይ ግብሪ መኽፈሊ እዋን ካብ ሓምለ 01/2008 ክሳብ ጳጉሜን 05/2008 ምዃኑ፣
  • ንደረጃ ‘ሀ’ ኸፈልቲ ግብሪ ናይ መኽፈሊ እዋን ድማ ካብ ሓምለ 01/2008 ክሳብ ጥቅምቲ 30/2009 ምዃኑ እንዳዘኻኸርና ግብሪ ብእዋኑ ብምኽፋል ሃገራዊ ግቡእና ንዋፃእ፡፡

May 2018
12345
6789101112
13141516171819
20212223242526
2728293031

በዝሒ ጎብነይቲ

053456
ሎምዓንቲሎምዓንቲ12
ትማሊትማሊ65
ኣብዚ  ሰሙንኣብዚ ሰሙን295
ኣብዚ ወርሒኣብዚ ወርሒ1049
ጠቕላላ ክሳብ ሐዚጠቕላላ ክሳብ ሐዚ53456

We have 62 guests and no members online


bottom
top

bottom

© 2014 Tigray Revenue Development Authority .All Rights Reserved