top
logo

ሕትመታት

ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ
ዜና ፎቶ
ኣብ ኣፈፃፅማ መደባት 2009 በጀት ዓመት ዕዙዝ ግደ ንዝነበሮም ሰራሕተኛታትን መዳርግቲ ኣካላትን መተባብዒ ሽልማት ሂቡ

በዓል መዚ ልምዓት እቶት ክልል ትግራይ ንኣመራርሓን ኣባላትን ቀዋሚ ኮሚቴ በጀትን ኦዲትን ቤት ምኽሪ ወረዳታትን ከተማታትን ዓቕሚ መዕበዪ ስልጠና ከም ዝሃበ ኣፍሊጡ።

ሓደሽቲ ኣዋጃት ኣታዊ ግብርን ምምሕዳርን ግብርን፣ ኣዋጅ ኤክሳይዝን ቴምብር ቀረፅን፣ ስርዓት ኣወሳስና ግብርን ኣተኣላልያ ቅሬታን ይግበአንን፣ ሪፎርምታት ግብሪ መሰረት ብምግባር ንኣመራርሓን ንኣባላት ቀዋሚ ኮሚቴ በጀትን ኦዲትን ቤት ምኽሪ ወረዳታትን ከተማታትን ዓቕሚ መዕበዪ ስልጠና ከም ዝተውሃበ ኣብ በዓል መዚ ልምዓት እቶት ክልል ትግራይ ወናኒ ከይዲ ስራሕ ትምህርትን ስልጠናን ግልጋሎት ዓማዊልን ኣይተ በላይ ገብረወልድ ኣገንዚቦም።


 

ቑጠባዊ ዓቕሚ ኣታዊና ንምዕባይ ነዚ ዝምጥንን ዝድግፍን ስርዓት ምምሕዳር ግብርን ምጥንኻርን ምምሕያሽን ወሳኒ ብምዃኑ ብብርኪ ሃገር ዝተመሓየሹ ኣዋጅ ኣታዊ ግብርን ምምሕዳር ግብርን ኣብ ወርሒ ሓምለ 2008 በጀት ዓመት ፀዲቑ ናብ ተግባር ተኣትዩ እዩ። እዞም ሓደሽቲ ኣዋጃት ንንውሕ ዝበሉ ዓመታት ተበታቲኖም ዝፀንሑ ኣዋጃትን ደንብታትን ናብ ሓደ ብምውዳብ ግልፅነትን ተሓታትነትን ብምስፋን ምስ ዝበፃሕናዮ ቁጠባዊ ዕብየት ብምጥዕዓም ግብሪ ዘይኽፈሎም ዝነበሩ ኣታዊታት ኣብ ግብሪ ስርዓት ንኽኣትዉ እዚ ስልጠና ክፍተታትና እንምልአሉን ዓቕምና እነጎልብተሉ ስሉጥን ቐፃልነት ዘለዎን ግልጋሎት ንምሃብ ዝሕግዝን ከፈልቲ ግብሪ ከከም ኣታዊኦም ክኸፍሉ ዝገብር ምዃኑ ኣይተ በላይ ገሊፆም።

 

ቐንዲ መበገሲ ዕላማታት ምምሕያሽ ኣታዊ ግብርን ምምሕዳር ግብርን ብተግባር ሪፎርምታት ግብሪ ኣብ ምፍፃም ዘፀግሙ ዝነበሩ ጥንካረታትን ሕፅረታትን ዝቐረቡ ኮይኖም ብዝተበታተነ መንገዲ ኣብ ስራሕ ዝፀንሑ ኣዋጃት ብምውህሃድ ብምምሕዳር ግብሪ ዝምርሑ ድንጋገታት ዓርሶም ክኢሎም ኣብ ጥቕሚ ክውዕሉ ብምግባር ኣብ ከፈልቲ ግብሪ ዝበፅሕ ዝነበረ ምንግልታዕ ብምውጋድ ፍትሓዊ ስርዓት ኣከፋፍላ ግብሪ ንምዝርጋሕ ዝዓለመ ስልጠና ከም ዝኾነ ኣይተ በላይ ገ/ወልድ ብተወሳኺ ግልፂ ገይሮም።

 

ተሳተፍቲ እቲ ስልጠና ኣይተ ኣስረስ ኣረሩን ወ/ሮ ሙሉ ገ/መድህንን ብወገኖም ነባራትን ሓደሽትን ኣዋጃት ዘመሳስልዎምን ኣፈላላዮምን መሰረት ብምግባር ዝተውሃበ ስልጠና ዓቕምን ክእለትን ካብ ምዕባይ ብተወሳኺ ወረዳታትን ከተማታትን ተሞክሮታት ዝተለዋወጥናሉን ተሞክሮ ዝቐሰምናሉን ኣባላት ቀወምቲ ኮሚቴ በጀትን ኦዲትን ቤት ምኽሪ ግቡእና ክንዋፃእ ዝሕግዝ እዩ ክብሉ ገሊፆም።

 

 

                                                           በዓል መዚ ልምዓት እቶት ክልል ትግራይ

 

ኣብ ቅብሊት ምቁራፅ ዝርኣዩ ኣተሓሳስባን ተግባራትን ኣካብነት ክራይ ንምድኻም ኣበርቲዖም ከም ዝሰርሑ ሞዴላት ከፈልቲ ግብሪ ከተማ ዓድዋ ገሊፆም

 

ብብርኪ ክልል በዓል መዚ ልምዓት እቶት ሞዴላት ከፈልቲ ግብሪ ንምፍጣርን ንምድጋፍን መምርሒ ኣፈፃፅማ ኦዲት ስትራተጂ ብምውፃእ ዝሐሹ ከፈልቲ ግብሪ ብምፍላይ ብተግባር ብመደጋገፊ ኔትዎርክ ብምትሕሓዝ ብዝተገበረ ደገፍን ክትትልን ኣብ ከተማታትን ወረዳታትን ብዓሰርተታት ኣሽሓት ሞዴላት ከፈልቲ ግብሪ ተፈልዮም ሪፎርምታት ግብሪ ኣብ ምትግባር ይርከቡ።

 

ካብቶም ብቤት ፅሕፈት ልምዓት እቶት ከተማ ዓድዋ ዝተፈለዩ ሞዴላት ከፈልቲ ግብሪ ሓደ ዝኾነ ስራሕ መካየዲ ቤት ቁርስን ኬክን ልደት ኣይተ መንበሩ ጥበቡ ብምክንያት ቕንያት ግብሪ 2009 በጀት ዓመት ቤት ቁርስን ኬክን ልደት ንመጀመርያ ግዜ ዓርሱ ክኢሉ ብብርኪ ነጋዳይ ቕንያት ግብሪ ዘኽበረ ኮይኑ ንተግልገልቲ ዓማዊል ቕብሊት ብምሃብ በቢወርሑ ካብ ተወሳኺ እሴት ተወሳኺ እሴት ታክስ ካብ 30 ክሳብ 40 ሽሕ ብር ዝኸፍል እንትኸውን ኣብ 2008/9 በጀት ዓመት ግብሪ ዘመን ካብ ተወሳኺ እሴት ታክስ 195106.83 ብር ዝኸፈለ እንትኸውን ካብ ንግዲ ትርፊ ድማ 293159 ብር ክኸፍል ዝኸኣለ ሞዴል ነጋዳይ እዩ።

 

ከፈልቲ ግብሪ ከተማ ዓድዋ ካብ ዝኾኑ ወ/ሮ ኣምለሰት የማነን ኣይተ ተጠምቐ ወልዱን ካብ ቤት ቁርስን ኬክን ልደት ተማሂርና ንተገልገልቲ ዓማዊል ቅብሊት ብምሃብ ኣብ ልምዓት ከተማናን ሃገርናን ግቡኡና ክንዋፃእ ኢና ክብሉ ቃል ኣትዮም።

 

በዓል መዚ ልምዓት እቶት ክልል ትግራይ

 

 

 


 

ኣብ ቅብሊት ዘይምቑራፅ ዝረኣዩ ኣተሓሳስባን ተግባራትን ኣካብነት ክራይ ንምውጋድ ኣበርቲዖም ከም ዝሰርሑ ኣመራርሓን ነጋዶን ክፍለ ከተማ ዓይደር ገሊፆም

ነዚ ዝተገለፀ ቅንያት ግብሪ 2009 በጀት ዓመት ምኽንያት ብምግባር ምስ ኣመራርሓ ሓገዝትን መዳርግቲ ኣካላትን፣ከፈልቲ ግብሪ ውዳበታት ሓፋሽ ማሕበራትን ልምዓት ጉጅለን ደኣንትን ብሓባር ኣብ ዘሳልጥዎ መድረኽ ዘተ ኣብ ቅብሊት ዘይምቑራፅ ዝርኣዩ ምስዋርን ምጭብርባርን ግብሪ ንምውጋድ ኣበርቲዕና ክንሰርሕ ይግባእ ክብላ ሓላፊት ቤት ፅሕፈት ልምዓት እቶት ክፍለ ከተማ ዓይደር ወ/ሮ ሰለማዊት ሓድጉ ኣገንዚበን።


ኣብ ምሕደራ ግብሪ ዝርኣዩ ዘይሕጋዊ ተግባራት ብሓባር ንከላኸል ብዝብል መሪሕ ቃል ብብርኪ ክልልና ተጠናኺሩ ዝኽበር ዘሎ ኮይኑ ከፈልቲ ግብሪ ክፍለ ከተማ ዓይደር ሪፎርምታት ግብርን ታክስን ብምትግባር ኣካብነት ክራይ ብሓባር ንቃለስ፣ ግብሪ ምኽፋልን ንግዲ ፍቓድ ምሕዳስን ባህልና ንግበሮ፣ ንተገልገልቲ ዓማዊል ቅብሊት ምሃብ ባህልናን ልምድናን ክንገብሮ ኣለና ብዝብል መሪሕ ጭርሖታት ተዓጂቡ ልምዓታውን ዲሞክራሲያውን መስመር ካብ ዘመንጨዎ ቁጠባ ፍትሓዊ ግብሪ ብምእካብ ናይ መንግስቲ ወፃእታት ብውሽጣዊ ዓቕምታት ንምሽፋን ዝያዳ ተጠናኺርካ ምስራሕ ከም ዘድሊ እተን ሓላፊት ገሊፀን።


 

ሰኣን ጥቡቕ ደገፍን ክትትልን 6መንግስቲ ንኸፈልቲ ግብሪ ካብ ቫት ካብ ተጠቀምቲ ዓማዊል ዝርከብ እቶት ንምእካብ ሓላፍነት ሂቡ ኣክቡለይ ኢሉ ዋላ ሓላፍነት ይሃቦም ኣብ ምትግባሩ ክራይ ኣከብቲ ነጋዶ ንውልቀ ረብሐኦም እንተውዕልዎ ይረኣይ ብምህላዉ ኣብ ምሕደራ ግብሪ ልዕልነት ሕጊ ንምርግጋፅ ብተደጋጋሚ ግንዛበ መዕበይ ትምህርትን ስልጠናን ብምሃብ ምምሕዳራዊ ስጉምቲ ምውሳድ ወሳኒ ከም ዝኾነ ኣብ ቤት ፅሕፈት ልምዓት እቶት ዞባ መቐለ መተሓባበሪት ከይዲ ስራሕ ምኽባር ሕጊ እቶትን ኢንተለጀንስን ወ/ሮ ዘምዘም ኣደም ብተወሳኺ ኣገንዚበን።

 

ተሳተፍቲ እቲ መድረኽ እውን ግብሪ ምኽፋል ሰላምን ልምዓትን ክምዕብል፣ማሕበራውን ፖለቲካውን ስራሕትና ክሳለጡ ዝገበር ብምዃኑ ኣብ ቅብሊት ዘይምቁራፅ ዝርኣዩ ዘይሕጋዊ ተግባራት ብምድኻም ምኽፋል ግብሪ ባህልና ክንገብሮ ኢና ክብሉ ቃል ኣትዮም።

 

 

                                                   በዓል መዚ ልምዓት እቶት

 

 

በዓል መዚ ልምዓት እቶት ክልል ትግራይ ኣብ ግብሪ ሰሙን ኣመልኪቱ መድረኽ ዘተ ኣካይዱ፡፡

እቲ መድረኽ ዘተ ኣብ ኣከባብራ ግብሪ ሰሙንን ኣፈፃፅማ ቅብሊትን ኣመልኪቱ ”ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል መሪሕ ቃል ዝተኸበረ ኮይኑ ኣብቲ መድረኽ ዘተ ዝተረኸቡ ምኽትል ርእሰ ምምሕዳር ክልል ትግራይን ሓላፊ ቢሮ ከተማ ልምዓት፣ ንግድን ኢንዱስትርን ዶ/ር ኣምባሳደር ኣዲሳለም ባሌማ ጉዳይ ቅብሊት ትኹረት ዝወሃቦ ዘሎ ቅብሊት ንምሃብን ምሕታትን ዘይኮነስ ካብኡ ንላዕሊ ካልኦት ዓበይቲ ሞያታት ስለ ዘለውዎ እዩ፡፡ እቲ ቀንዲ ልዕልነት ሕጊ ክኸበር ምግባር ዝብል ኮይኑ ሕጊ እቲ ዋና ናይ ዲሞክራሲ ዓምዲ ስለዝኾነ ክኸበር ኣለዎ፡፡ ብዘይሕጊ ሰላም፣ ልምዓትን ዲሞክራሲን ክተልዕል ኣይትኽእልን፡፡ እቲ ካልኣይ ቅብሊት ኣብ ምእካብ እቶት ዓብይ ግደ ስለ ዘለዎ እዩ፡፡ ካብ ሕብረተ-ሰብ ፅቡቕ እቶት እንተተኣኪቡ መንግስቲ ጠለብ ህዝቢ ዝምለሱ ዝተፈላለዩ ስራሐቲ ንምስራሕ ስለ ዝሕግዝ እዩ፡፡ ሞኽንያቱ ናይ ሓደ መንግስቲ ዋና መንቀሳቐሲ እቶት ስለ ዝኾነ ህዝቢ ንዝሓቶም ዝርገሐ መሰረት ልምዓትን ማሕበራዊ ግልጋሎት ንምምላስ ስለ ዘኽእልን እዩ፡፡ ብሳልሳይ ደረጃ ኣብ ቅብሊት ዝትግበር ዘይሕጋዊ ተግባር መጀመርያ ኣብቲ ሕጋዊ ነጋዳይ ዓብይ ጉድኣት ስለዘስዕብ ክንከላኸሎ ስለ ዝግባእ እዩ፡፡ በዚ መሰረት ጉዳይ ቅብሊት ጉዳይ ኩሉ ዜጋ እምበር ናይ መንግስቲ ጥራሕ ስራሕ ስለዘይኮነ ኩላትና ተጠየቕቲ ክንኸውን ይግባእ፡ ነቶም ሕጋውያን ሰብ ሃፍቲ ብምትብባዕ ብኣንፃሩ ነቶም ሕጊ ዝጥሕሱን መጭበርበርትን ነጋዶ ድማ ክቃልዑን ክቕፅዑን ክግበር ኣለዎ ኢሎም ዶ/ር ኣምባሳደር ኣዲሳለም ባሌማ፡፡

 

   

ብተወሳኪ ኣብቲ መድረኽ ዘተ ዝተረኸባ ዋና ዳይሬክተር በዓል መዚ ልምዓት እቶት ክልል ትግራይ ወ/ሮ ምሕረት በየነ እዚ መድረኽ ዘተ 20 ጉንበት ሞኽንያት ብምግባር ዝኽበር ግብሪ ሰሙን መእተዊ መድረኽ ኮይኑ ኣብ ሪፎርምታት ግብሪ መሰረት ዝገበረ እዩ፡፡

ብፍላይ ኣብ ቅብሊት ዘሎ ዘይሕጋዊ ተግባር ተኸታታሊ ናይ ግንዛበ መዕበይ ስራሕቲ ብምስራሕ ክስተኻኸልን ሕጊ እውን ክኽበርን ምግባር እዩ፡፡ ብፍላይ ምስ ሪፎርምታት ግብሪ ዝተተሓሓዙ ምስ ምልማዕ ሓይሊ ሰብ ወይ ልምዓታዊያን ምሕያል፣ ኣወሃህባ ግልጋሎት ምምሕያሽ ፣ ኣብ ምርግጋፅ ልዕልነት ሕጊ ብፍላይ ምስ ቅብሊት ምቑራፅን ኢኮኖሚ ዘፈልፈሎ እቶት ምእካብን ዝብሉ ሪፎርምታት ተግባራዊ ንምግባር ኣብቲ ቤት ዕዮ ልምታዊ ኣተሓሳስባን ክእለትን ዝወነነ ሰራዊት ተፈጢሩ እዩ፡፡ ብፍላይ ኣብ መምርሕታት፣ደንብታትን ኣዋጃትን ዘለዎ ፍልጠተ ብዓርሰ ምምህሃር ኣቢሉ ብምዕባይ ዝሓሸ ኣሰራርሓ ከም ዝተኸኣለ ወ/ሮ ምሕረት በየነ ሓቢረን፡፡

   ኣብ መወዳእታ ካብ ተሳተፍቲ ግንዛበ ኣብ ምፍጣር እንታይ ይመስል፣ ፈጣን ግልጋሎት ኣብ ምሃብን እኹል ሓይሊ ሰብ ኣብ ምምላእ፣ ቅብሊት ኣብ ዘይቆርፁ ነጋዶ ዝወሰዱ ሕጋዊ መምሃሪ ዝነኣሰ ምዃኑን ምስ ነፃ ቀረፅን ኮንትሮባንድን ዝተተሓዙ ዝተፈላለዩ ሕቶታትን ርኢቶታትን ቀሪቦም ካብ መራሕቲ መድረኽን ተሳተፍትን ኣብቶም ዝፍፀሙ ዘለው ዘይሕጋዊ ተግባራት፣ ኣብ ዓበይቲ ነጋዶ ዝውሰዱ ሕጋዊ መምሃሪ ቅፅዓታትን ምስ ምስፍሕፋሕ ቴክኖሎጅ ዝምልከት ግቡእ ዝኾነ ግብረ መልስን ርኢቶን ምስተወሃበ እቲ መድረኽ ዘተ ብዓወት ተዛዚሙ፡፡

 

 

  

 

 

ቤት ፅሕፈት ልምዓት እቶት ክፍለ ከተማ ዓዲ ሓቂ ግብሪ ሰሙን መሰረት ብምግባር መድረኽ ዘተ ኣካይዱ።

ግብሪ ሰሙን 2009 በጀት ዓመት ኣብ ክልልና “ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል መሪሕ ቃል ኣብ ዝኽበረሉ ዘሎ እዋን ብተመሳሳሊ ክፍለ ከተማ ዓዲ ሓቂ እውን ዝተፈላለዩ ክፋላት ማሕበረሰብ እቲ ክፍለ ከተማ ኣብ ዝተረኸብሉ መድረኸ ዘተ ኣካይዱ።

ኣብቲ መድረኽ ዘተ ዝተረኸባ መተሓባበሪት ምኽባር ሕጊ እቶትን ኢንተለጀንስን ቤት ፅሕፈት ልምዓት እቶት ዞባ መቐለ ወ/ሮ ዘምዘም ኣደም ኣብዚ ሐዚ እዋን እናተኸበረ ዘሎ ግብሪ ሰሙን ቀንዲ ዕላምኡ ኣብ ጉዳይ ቅብሊት ዝፍፀሙ ዘለዉ ዘይሕጋዊ ተግባራት መፍትሒ ንምቕማጥ “ቅብሊት ምሃብ ድርብ ኩርዓት ቅብሊት ዘይምሃብ ፀረ ልምዓት” ብዝብል ጭርሖ ተሓጊዙ እናተኻየደ ይርከብ። ስለዚ ኣብ ኣጠቓቕማ ቅብሊት መንግስቲ ካብ ተጠቀምቲ ግብሪ ንምእካብ ንነጋዶ ዝሃቦም ውክልና ወይ ከዓ ሓደራ ሓላፍነቶም ንክዋፅኡን ፍትሓውን ተመጣጣንን ግብሪ ንምእካብን ኩሉ ሕብረተሰብ ብንጥፈት ዝሳተፈሎም መድረኻት ኣገደስቲ ከም ዝኾኑ ሓቢረን።

                                                                                                  

ምስዚ ብተዛማዲ ናይ ከተማ ነባሪ ማሕበረሰብ ንግድን ዓዳግን ስለ ዝኾነ ቅብሊት ሓታቲ ተጠቃሚ ማሕበረሰብን ቅብሊት ብቅንዕና ዝህብ ነጋዳይን ብምፍጣር ጉዳይ ቅብሊት ጉዳይ ኩሉ ሕብረተሰብ እናኾነ እዩ። ከምኡ እውን ኣብ መሸጣን ክራይን ገዛ ዝረኣዩ ዘለዉ ዘይሕጋዊ ተግባራ መሰረታዊ መፍትሕታት ንምቕማጥ ኩሉ ሕብረተሰብ ብቅንዕናን ብእምነትን ዝሳተፈሎም መድረኻት ብምድላው ፍትሓዊ ሃፍቲ ክፍፍል ዘመዓራርን ኣብ ልምዓት ዝውዕልን ኣታዊ መሰረት ዝገበረ ተመጣጣኒ ምኽፋል ግብሪ ብተሳትፎ ሓፋሽ ህዝቢ እናተረጋገፀ ከም ዝኾነ ኣመሓዳሪ ክፍለ ከተማ ዓዲ ሓቂ ኣይተ ገ/መድሂን ኣረጋይ ገሊፆም።

ኣብ መወዳእታ ቅብሊት ኣብ ምቑራፅ ዘሎ ኩነታት ከመይ ከም ዝኾነ፣ ተወሳኺ እሴት ታክስን ሒሳብ መዝገብን ኣብ ምትሓዝ ከመይ’ዩ? ኣብ ኣወሃህባ ግልጋሎትን ፍትሓውነትን ምኽፋል ግብሪ ዘሎ ኣፈፃፅማን እንታይ ይምስል? ብግብሪ ኣቢልካ ሃፍቲ ክፍፍል ሕብረተሰብ ኣብ ምርግጋፅ እንታይ ክያዶታት ተኸይዶም? ዝበሉ ሕቶታትን ርኢቶታትን ካብ ተሳተፍቲ እቲ መድረኽ ዘተ ተላዒሎም ካብ መራሕቲ መድረኽን ተሳተፍቲ ኣካላትን ግቡእ መብራህርህን ርኢቶን ምስተውሃበ ኩሉ ተሳታፊ “ኣብ ምሕደራ ግብሪ ዝረኣዩ ዘይሕጋዊ ተግባራት ብሓባር ንከላኸል” ብዝብል ቃልኪዳን ብምእታው እቲ መድረኽ ዘተ ተዛዚሙ።

 

                                                            

       በዓል መዚ ልምዓት እቶት

 

 

Subcategories

 

  • ንደረጃ ‘ለ’ ኸፈልቲ ግብሪ ናይ ግብሪ መኽፈሊ እዋን ካብ ሓምለ 01/2008 ክሳብ ጳጉሜን 05/2008 ምዃኑ፣
  • ንደረጃ ‘ሀ’ ኸፈልቲ ግብሪ ናይ መኽፈሊ እዋን ድማ ካብ ሓምለ 01/2008 ክሳብ ጥቅምቲ 30/2009 ምዃኑ እንዳዘኻኸርና ግብሪ ብእዋኑ ብምኽፋል ሃገራዊ ግቡእና ንዋፃእ፡፡

November 2017
1234
567891011
12131415161718
19202122232425
2627282930

በዝሒ ጎብነይቲ

043839
ሎምዓንቲሎምዓንቲ45
ትማሊትማሊ50
ኣብዚ  ሰሙንኣብዚ ሰሙን247
ኣብዚ ወርሒኣብዚ ወርሒ1198
ጠቕላላ ክሳብ ሐዚጠቕላላ ክሳብ ሐዚ43839

We have 42 guests and no members online


bottom
top

bottom

© 2014 Tigray Revenue Development Authority .All Rights Reserved